Nabližajucca Kalady i Novy hod, a heta značyć, što maleńkija biełarusy čakajuć padarunkaŭ! A najlepšy padarunak — heta kniha, asabliva na 500 hadoŭ biełaruskaha druku. Mienavita tamu kulturnickaja kampanija «Budźma biełarusami!» i Sajuz biełaruskich piśmieńnikaŭ vydali zbornik vieršaŭ i kazak «Čytanka dla maleńkich».
U knizie źmieščanyja i aŭtarskija tvory, i narodnyja. U Čytancy vy znojdziecie dobra viadomyja «Katok — załaty łabok», «Pšaničny kałasok», «Rukavičku», a jašče aŭtarskija kazki Janki Bryla «Žyŭ-byŭ vožyk», «Strašnaja kazka pra strašnaha źviera» Ivana Bursava dy inšyja tvory. Taksama ŭ čytancy nadrukavanyja dziciačyja vieršy biełaruskich aŭtaraŭ!
Na staronkach knihi jość vieršy kłasikaŭ biełaruskaj litaratury Łarysy Hienijuš, Artura Volskaha, Janki Žurby, Vasila Vitki, Ryhora Baradulina i inšych. Jość tam i vieršy i sučasnych aŭtaraŭ: Danuty Bičel-Zahnietavaj, Paŭła Marcinoviča, Andreja Chadanoviča, Sieržuka Sokałava-Vojuša, Anatola Ivaščanki i Viery Burłak.
Kniha bahataja na ilustracyi, jakija zrabiła mastačka Darja Mandzik, viadomaja čytačam svaim prajektam «Nie maŭčy pa-biełarusku!», realizavanym razam z kampanijaj «Budźma biełarusami!».
«Čytanka dla maleńkich» — heta vydatny kaladny padarunak dla dziaciej daškolnaha ŭzrostu.
Vučym rodnuju movu z malenstva!
Nabyć Čytanku možna ŭ nastupnych minskich kramach:
«Akademkniha», pr-t Niezaležnaści, 72;
«Kniharnia piśmieńnika», vuł. Kazłova, 2;
«Viedy», vuł. K.Marksa, 36;
Śvietač, pr-t Pieramožcaŭ, 11;
«Centralnaja kniharnia», pr-t Niezaležnaści, 19;
«Knihi & knižački», pr-t Niezaležnaści, 14;
Knižny kirmaš «Śviet knih», vuł. Kupały, 27;
«Knižnaja šafa», pr. Dziaržynskaha, 9;
A taksama ŭ internet-kniharni knihi.by,
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju33
Kamientary