Amierykanskaja aktrysa Kery Fišer špitalizavana paśla šyrokaha sardečnaha prystupu, jaki jana pieraniesła na borcie samalota.
60-hadovaja vykanaŭca roli pryncesy Lei ŭ kinasazie «Zornyja vojny» znachodzicca ŭ krytyčnym stanie, skazaŭ žurnalistam jaje brat Tod Fišer.
Pavodle paviedamleńnia Los Angeles Times, jakoje pryvodzicca sa spasyłkaj na nienazvanyja aficyjnyja krynicy, aktrysie stała drenna z sercam u samalocie, jaki lacieŭ z Łondana ŭ Łos-Andželes.
Pavodle źviestak partała TMZ, u Fišer za 15 chvilin da pryziamleńnia zdaryŭsia sardečny prystup, inšyja pasažyry akazvali joj pieršuju dapamohu.
Videabłohier Hanna Akana, jakaja lacieła tym ža rejsam i siadzieła niepadalok ad Fišer, napisała ŭ «Tvitary», što aktrysa «pierastała dychać».
Fišer zaraz znachodzicca ŭ rekłamnym tury jaje novaj knihi «Bijohraf pryncesy».
U 1970-ja hady Fišer źniałasia ŭ troch epizodach «Zornych vojnaŭ».
U siaredzinie 1980-ch jana vypuściła knihu «Paštoŭki z abryvu», zasnavanuju na ŭłasnym dośviedzie baraćby z narkazaležnaściu.
U 2015 h. jana viarnułasia ŭ akciorski skład sahi ŭ čarhovym filmie «Zornyja vajny: Abudžeńnie siły».
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary