Śniehapady i marazy — sapraŭdnaje vyprabavańnie dla ptušak. Znajści korm pad śnieham — niaprostaja zadača, da taho ž zimoj treba bolš enierhii na abahravańnie, a značyć i ježy, nahadvaje «Achova ptušak Baćkaŭščyny».
Najlepšy korm dla vierabjinapadobnych — čornyja siemački, jakija nie pavinny być smažanymi i nie pavinny być salonymi. Možna zrabić sumieś — siemački słaniečnika, prosa i avios.
Sinicy i dziatły buduć rady śviežamu sału, jakoje taksama nie treba salić. Sała možna nanizać na ćvički pa krajach karmuški, padviesić ŭ sietcy, pryviazać da halinki na drevie.
Vierabji, zielanuški, popaŭźni, čyžy aceniać arachis, jaki znoŭ ža nie pavinien być smažanym ci salonym.
Čym bolš raznastajnym budzie ptušyny pačastunak, tym bolš vidaŭ ptušak moža prylacieć u vašu «stałoŭku».
Vy taksama možacie paŭdzielničać u akcyi «Ptuški la karmuški» 14 i 15 studzienia. Treba paličyć vidy i kolkaść ptušak na karmušcy i adpravić dadzienyja ŭ APB.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m105
Kamientary