Na sajcie «Našaj Nivy» — ekskluziŭnaja prezientacyja novaha supolnaha muzyčnaha prajektu «Pieśni matčyny z Vušaččyny». Vynikam pracy staŭ zbornik piesień, jaki abjadnaŭ biełaruskich muzykaŭ vakoł asoby Ryhora Baradulina — narodnaha paeta Biełarusi.
Zbornik «Pieśni matčyny z Vušaččyny» — pieraasensavańnie i adnaŭleńnie narodnych piesień z małoj radzimy Ryhora Baradulina, jakija paetu ŭ dziacinstvie śpiavała jaho maci. Hetyja pieśni natchniali i supravadžali paeta ŭsio žyćcio.
Hetaja muzyčnaja składanka — vydatny pravadnik pa rodnaj dla paeta Vušaččynie. Tut vy znojdziecie abradavyja pieśni, napieŭki, śmiašynki-kazytuški: ščymlivyja i hullivyja, daścipnyja i kałarytnyja, ścipłyja i skaromnyja.
U biełaruskaj muzyčnaj prastory ŭžo skłałasia tradycyja stvareńnia supolnych muzyčnych prajektaŭ. Usie my viedajem cudoŭnyja pieśni z albomaŭ «Ja naradziŭsia tut», «Śviaty viečar», «Narodny albom».
Novym prajektam, jaki praciahvaje tradycyju sumiesnaj tvorčaści biełaruskich muzykaŭ, stała składanka «Pieśni matčyny z Vušaččyny».
Spampavać muzyčny albom «Pieśni matčyny z Vušaččyny» možna tut!
Na albomie vy pačujecie pieśni i vieršy ŭ vykanańni Ryhora Baradulina i jaho maci Akuliny Andrejeŭny, Siaržuka Doŭhušava (aŭtara i kiraŭnika prajektu), Ireny Katvickaj, Viery Sałamonik, Iłony Leś, Viktara Siamaški, hurtoŭ «Re1ikt», «Vuraj», «Harmonic Style Project», «Varhan», chora «Salutarys» dy inšych.
Asablivaja padziaka sponsaram, kulturnickaj arhanizacyi «Art Siadziba», Paŭłu Biełavusu, Dašy Bialkievič, Alesiu Śniehu, Michasiu Skobłu, Siarhieju Dranicu, usim hurtam i ŭdzielnikam prajekta.
Zapis: Michaił Šestak, studyja «Bach records».
Hrošy na zapis dysku i padrychtoŭku kancertnaj prezientacyi źbiralisia z dapamohaj kraŭdfandynhavaha prajekta na Talaka.by. Karystalniki płatformy aktyŭna padtrymali ideju — i prajekt sabraŭ 85% ad nieabchodnaj sumy (2750 biełaruskich rubloŭ).
Da dnia naradžeńnia Ryhora Baradulina, naradziŭsia paet 24 lutaha 1935 hoda, z nahody prezientacyi albomu ŭ internecie i vychadu na CD-dyskach, naprykancy lutaha ŭdzielnikami prajektu «Pieśni matčyny z Vušaččyny» zapłanavany try mierapryjemstvy.
22 lutaha ŭ «Art Siadzibie» (pr-t Niezaležnaści, d. 58, of. 430 u budynku Maskoŭska-Vienskaha handlovaha centru) z 18.00 da 20.00 z udziełam Siaržuka Doŭhušava i inšych muzykaŭ prajektu adbudziecca aŭtohraf-siesija, razdača padarunkaŭ sponsaram albomu na Talaka.by i start prodažu CD-dyska na symbal.by.
24 lutaha, u dzień naradžeńnia Ryhora Baradulina, hurt «Re1ikt» prezientuje šykoŭny klip na pieśniu «Drobnieńki doždžyk», a pakul možna pahladzieć trejler.
26 lutaha ŭ Pałacy kultury vieteranaŭ (vuł. Janki Kupały, 21) adbudziecca kancertnaja prezientacyja prajektu.
Košt kvitkoŭ: 14 i 18 rubloŭ.
Kvitki možna nabyć u «Art Siadzibie», a taksama ŭ internecie praz anłajn-sistemu ByCard.by. Inšyja adrasy kropak prodažu i kasaŭ hladzicie na ByCard.by.
Kantaktnyja telefony pa ŭsich pytańniach: +37529 5657218, +37529 6517898.
Sačyć za navinami padrychtoŭki da kancertu možna praz supołki «UKantakcie» i na «Fejsbuku».
Jak biełarusy ŭ Vilni adznačyli Dzień Voli ŠMAT FOTA4
Jak biełarusy ŭ Vilni adznačyli Dzień Voli ŠMAT FOTA
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1111
Kamientary