Pradstaŭnik Ukrainy ŭ AAN nahadaŭ rasijanam, dzie była Kijeŭskaja Ruś, a dzie «kvakali žaby»
«Maskva tady była prosta bałotam, dzie kvakajuć žaby».
Na pasiadžeńni Rady Biaśpieki AAN pastajanny pradstaŭnik Ukrainy Andrej Mielnik źviarnuŭsia da histaryčnaha ekskursu, adkazvajučy na rasijskija naratyvy pra nibyta «adzinstva ŭkraincaŭ i rasijan», paviedamlaje Ukrinfarm.
Dypłamat nahadaŭ, što padčas minułaha pasiadžeńnia Rady Biaśpieki AAN 24 lutaha pastpred Rasii Vasil Niabienzia «ŭ čarhovy raz patraciŭ čas na znajomuju łuchtu pra nibyta histaryčnaje adzinstva ŭkraincaŭ i rasijan».
«Jon navat niešta pramarmytaŭ pra Kijeŭskuju Ruś, jakuju my, ukraincy, nibyta pradali za 30 srebranikaŭ, — raspavioŭ Mielnik. — Dazvolcie pastavić histaryčnyja fakty na svaje miescy».
Ukrainski dypłamat adznačyŭ, što ŭ pačatku XII stahodździa Kijeŭ byŭ stalicaj najbujniejšaj i adnoj z samych mahutnych dziaržaŭ siaredniaviečnaj Jeŭropy.
«A terytoryja sučasnaj Maskvy tady była tolki bałotam, dzie kvakajuć žaby», — zaŭvažyŭ jon.
Mielnik nahadaŭ pra ahresiŭnyja dziejańni maskoŭskich kiraŭnikoŭ u minułym. Mienavita pad kiraŭnictvam kniazia Uładzimira-Suzdalskaj ziamli Andreja Bahalubskaha ŭ 1169 hodzie Kijeŭ byŭ razrabavany, a mnohija jaho žychary — zabityja.
«Maskva zdradziła Kijevu. I dahetul jana praciahvaje hetuju samuju žorstkuju palityku: bambić Kijeŭ, rujnuje našy Załatyja varoty, hvałtuje i zabivaje mirnych žycharoŭ», — padkreśliŭ pastajanny pradstaŭnik.
Źviartajučysia da rasijskaj delehacyi, jon zajaviŭ, što ŭkraincam nie patrebnyja «skažonyja histaryčnyja ŭroki pra ŭjaŭnaje adzinstva».
«Kijeŭ staić mocna ŭžo bolš za 1000 hadoŭ i budzie stajać jašče tysiaču. Jon budzie kvitnieć, zastavacca niepieramožnym, i Rasii nie ŭdasca jaho pakaryć», — zajaviŭ Mielnik.
Naprykancy jon pracytavaŭ pa-rusku: «Okončien bał, potuchli śvieči… Bieri šiniel — idi domoj».
«Tamu zabirajcie svaje šyniali — i preč z Ukrainy!» — dadaŭ dypłamat.
Pobač z Łukašenkam na chakiei źjaviłasia novaja pryhažunia10
Kamientary
"Vsie, vsie nastojaŝieje russkoje było,
S klejmom nieludimoj, miertviaŝiej zimy...
...Tak mnoho i złoby i boli, tak mnoho žiestokoj lubvi"