50 jeŭra plus taksy i zbory. «Biełavija» zładzić viasnovy rasprodaž 27 i 28 lutaha
«Biełavija» 27 i 28 lutaha praviadzie akcyju na paloty ŭ sakaviku i krasaviku. Admysłovyja ceny na kvitki — 50 jeŭra plus taksy i zbory.
Ab padrabiaznaściach rasprodažy avijakampanija raspaviadaje na sajcie. Akcyja startuje 27 lutaha, u 00.01 pa minskim časie, skančajecca 28 lutaha 2017 hoda, u 23.59. Padarožža, pa ŭmovach rasprodažu, pavinna adbycca z 1 sakavika pa 30 krasavika 2017 hoda (data viartańnia).
— Naprykład, pieralot Minsk — Amsterdam — Minsk pa akcyi abyjdziecca ŭ 118 jeŭra, Minsk — Barsiełona — Minsk — 117 jeŭra, Minsk — Sočy — Minsk — 81 jeŭra. Zvyčajnaja cana dla takich pieralotaŭ pa-za rasprodažam 237 jeŭra dla Amsterdama, 286 jeŭra dla Barsiełony, 230 jeŭra dla Sočy, - adznačajuć u avijakampanii.
Kupić bilet pa akcyi možna tolki na sajcie belavia.by. Akcyja dziejničaje tolki na pramyja rejsy «Biełavija», tolki na rehularnyja maršruty.
Takija napramki, jak Maskva, Sankt-Pieciarburh, Kijeŭ, Tel-Aviŭ, Biejrut i nazad, nie ŭdzielničajuć u rasprodažy.
Prapanova dziejničaje pry kupli biletaŭ jak ź Minska, tak i ŭ Minsk, tolki pa maršrucie tudy-nazad. Mianiać čas i datu vyletu nielha, bilety niezvarotnyja. Kolkaść miescaŭ pa akcyi abmiežavana.
Kamientary