Mižnarodny sud AAN 19 krasavika častkova zadavoliŭ patrabavańnie Ukrainy pa ŭstanaŭleńniu zabieśpiačalnickich mier u dačynieńni da Rasii. Pazoŭ u Mižnarodny sud AAN dla pryciahnieńnia Rasii da adkaznaści «za ździajśnieńnie aktaŭ teraryzmu i dyskryminacyi na praciahu jaje niezakonnaj ahresii suprać Ukrainy» Ukraina padała 16 studzienia hetaha hoda, piša RBK.
Pazoŭ byŭ padadzieny ŭ ramkach mižnarodnaj kanviencyi ab baraćbie ź finansavańniem teraryzmu i mižnarodnaj kanviencyi ab likvidacyi ŭsich formaŭ rasavaj dyskryminacyi. Pieršyja adkrytyja słuchańni prajšli ŭ Mižnarodnym sudzie AAN (ICJ) 6 sakavika. Jany doŭžylisia čatyry dni: dva dni vystupali ŭkrainskija pradstaŭniki, dva — rasijskija.
Ukrainski bok taksama prasiŭ sud na čas razhladu spravy pryniać u dačynieńni da Rasii «časovyja miery» — uvieści sudovuju zabaronu na tyja ž dziejańni, suprać jakich Kijeŭ i padaje pazoŭ, to bok zabaranić Rasii materyjalna padtrymlivać «DNR» i «ŁNR», adnavić kantrol Ukrainy nad miažoj, admovicca ad ucisku tataraŭ i ŭkraincaŭ u Krymie.
Rašeńnie suda pa zabiaśpiečvalnych (časovych) mierach 19 krasavika abviaściŭ prezident Mižnarodnaha suda AAN Roni Abraham. Sud, pavodle jaho słoŭ, admoviŭ Ukrainie ŭ patrabavańni ŭstalavać zabiaśpiečvalnyja miery pa Kanviencyi ab baraćbie ź finansavańniem teraryzmu.
Adnak pa kanviencyi ab baraćbie z usimi formami rasavaj dyskryminacyi pastanaviŭ, što zabiaśpiečvalnyja miery pavinny być uviedzienyja. Rasija pavinna admovicca ad nakładańnia abmiežavańniaŭ na prava krymskich tataraŭ zachavać ich pradstaŭničyja instytuty, uklučajučy miedžlis (zabaronieny ŭ Rasiei). Rasija taksama pavinna zabiaśpiečyć prava etničnych ukraincaŭ na adukacyju, zajaviŭ sudździa. Vynosiačy rašeńnie, sud pryniaŭ pad uvahu spravazdačy AAN pa situacyi z pravami čałavieka na Ukrainie, u jakich havaryłasia ab źniknieńni tataraŭ u Krymie i ab zabaronie na dziejnaść miedžlisa.
Hetyja miery, pa słovach staršynstvujučaha sudździ, pavinny dziejničać da vyniasieńnia rašeńnia pa pazovie.
«Siońnia vielmi važny dzień, bo Mižnarodny sud AAN prymie pieršyja zachady ŭ spravie, jakoje Ukraina inicyjavała suprać Rasii», — zajaviŭ prezident Ukrainy Piatro Parašenka, vystupajučy ŭ sieradu ŭ Chatham House ŭ Łondanie.
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary