«Ukantakcie» źmianiła dyzajn aŭdyjozapisaŭ i płanuje ŭvieści płatnuju padpisku
Ad siońnia, 28 krasavika, zapracavała novaja sistema prajhravańnia aŭdyjozapisaŭ «Ukantakcie». U abnoŭlenaj viersii źmienieny dyzajn i palepšana sistema rekamiendacyj karystalniku. Taksama źjavicca i płatny kantent.


Ciapier układka «Maje aŭdyjozapisy» ŭjaŭlaje saboj dadatak dzie, akramia prasłuchoŭvańnia muzyki, možna padpisacca na aficyjnyja supołki muzykaŭ, prasłuchać apošnija albomy hurtoŭ z usiaho śvietu, z dapamohaj śpiecyjalnaha ałharytmu prahledzieć rekamiendacyi dla prasłuchoŭvańnia. Taksama źjaviłasia mahčymaść stvarać muzyčnyja płejlisty i dzialicca imi ź siabrami.

Kampanija ŭvieś čas zajmajecca palapšeńniem sistemy prajhravańnia aŭdyjozapisaŭ, bo dahetul maje prablemy ź licenzavańniem muzyki. «Ukantakcie» na siońnia maje samuju vialikuju biblijateku, razam z hetym majučy samuju vialikuju prablemu ź piractvam.
Kampanija Mail.ru Group, jakaja vałodaje sacsietkaj, u chutkim časie ŭviadzie płatnuju padpisku na muzyku, paviedamlaje hazieta «Iźviestija». Padpiska budzie kaštavać prykładna VYN 4,5. Pry hetym biaspłatnaje prasłuchoŭvańnie taksama zachavajecca, ale tolki za rekłamu. Funkcyja budzie pracavać jak i ŭ braŭziery na kampjutary, tak i ŭ mabilnaj viersii.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii
Kamientary