Parašenka pra «Ukantakcie» i «Adnakłaśniki»: Moj narod pražyvie biez sacsietak FSB
Prezident Ukrainy Piatro Parašenka padpiša zakon ab zabaronie hieorhijeŭskaj stužki, jak tolki jon pastupić ź Viarchoŭnaj Rady.
Pra heta jon zajaviŭ u niadzielu ŭ svaim vystupie z nahody Dnia pamiaci achviaraŭ palityčnych represij u Nacyjanalnym historyka-miemaryjalnym zapaviedniku «Bykaŭnianskija mahiły».
Parašenka adznačyŭ, što parłamienckaja asambleja ABSIE 8 hadoŭ tamu pryniała rezalucyju pra tojesnaść nacysckaha i stalinskaha režymaŭ i prapanavała sumiesny dzień pamiaci achviar stalinizmu i nacyzmu. Mienavita tamu, pavodle jaho słoŭ, va Ukrainie prachodzić dekamunizacyja.
«Darečy, i biez padkantrolnych KHB-FSB sacyjalnych sietak moj ukrainski narod taksama zdolny pražyć. I, darečy, zakon ab zabaronie hieorhijeŭskich stužačak ja taksama padpišu, jak tolki jon pastupić da mianie ź Viarchoŭnaj Rady», - skazaŭ prezident.
Pavodle jaho słoŭ, hieorhijeŭskaja stužka - heta nie simvolika Druhoj suśvietnaj vajny, a znak ahresii suprać Ukrainy 2014-2017 hadoŭ, bo «abviešanyja hetymi stužkami bajeviki zabivajuć našych voinaŭ kožnaha dnia i nočy».
«U rešcie rešt, na žal, Rasija svajoj palitykaj ŭ adnosinach da Ukrainy sama pastaviła hetuju stužku pa-za zakonam», - pierakanany Parašenka.
Jak viadoma, 15 maja 2017 Parašenka padpisaŭ zahad, jakim abnaviŭ śpisu sankcyj suprać šerahu rasijskich kampanij, siarod jakich «Aerafłot», sacsietki «Ukontakcie» i «Adnakłaśniki», kampanija «Jandeks» i inšyja.
16 maja Viarchoŭnaja Rada padtrymała zakonaprajekt ab zabaronie vyrabu i prapahandy hieorhijeŭskaj stužki va Ukrainie.
Čamu YouTube vydaliŭ kanały BiełTA, STB i ANT? Voś što viadoma4
Kamientary