Byłoje tralejbusnaje depo la płoščy Pieramohi vystaviać na aŭkcyjon. Halereja «Ŭ» pojdzie pad znos?
Učastak ziamli ŭ kvartale praśpiekt Niezaležnaści — praśpiekt Mašerava — vuł. Čyrvonaja — vuł. Kisialova, dzie raniej było tralejbusnaje depo, budzie vystaŭleny na aŭkcyjon. Pra heta havorycca na sajcie Minskaha haradskoha centra nieruchomaści, piša Tut.by.
Kali mienavita projduć tarhi, u centry nieruchomaści skazać nie mohuć — data jašče nie pryznačanaja.
Pradavać učastak buduć pad žyły kompleks z abjektami sacyjalna-hramadskaha pryznačeńnia i padziemnymi parkinhami.
mgcn.by
Va ŭčastka daŭniaja i składanaja historyja: u 2003 hodzie maskoŭskaja «Manolium-Pracesinh» biznesmena Arama Jekaviana i jaho partniora Andreja Dołhava vyjhrała tendar na zabudovu hetaj ziamli. Mierkavałasia, što inviestar pabuduje elitnaje žyllo, 5-zorkavy hatel i biznes-centr na ahulnuju sumu 500 młn dalaraŭ. Kab atrymać učastak pad zabudovu, pradprymalnik pahadziŭsia vydatkavać 15 młn dalaraŭ na novaje tralejbusnaje depo va Uruččy i pieraličyć 1 młn dalaraŭ na budaŭnictva Nacyjanalnaj biblijateki. Adnak budaŭnictva ŭ centry horada tak i nie pačałosia. A ŭ 2014 hodzie inviestdamovu z maskoŭskaj kampanijaj horad skasavaŭ.
Miž tym, jak zaŭvažyŭ u svaim fejsbuku hramadski aktyvist Dzianis Kobrusieŭ, pad znos pavodle płana pryznačany budynak Halerei «Ŭ». Na schiemie jon — pad numaram 5.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary