Kala 20 mužčyn u pakistanskim Mułtanie byli aryštavanyja za zahad zhvałcić dziaŭčynku-padletka ŭ adpłatu za zhvałtavańnie, jakoje nibyta ŭčyniŭ jaje brat, piša VVS.
Palicyja zajaviła, što siemji dźviuch dziaŭčynak źviazanyja pamiž saboj i prymali sumiesnaje rašeńnie ab tym, što rabić.
«Džynha [viaskovy saviet] rasparadziŭsia zhvałcić 16-hadovuju dziaŭčynku ŭ jakaści pakarańnia, bo jaje brat zhvałciŭ 12-hadovuju», — skazaŭ palicejski čynoŭnik Ałach Bakš.
Jon raspavioŭ, što ŭ pačatku lipienia ŭ viaskovy saviet źviarnuŭsia čałaviek, jaki zajaviŭ, što jaho 12-hadovaja siastra była zhvałtavanaja stryječnym bratam. Saviet, vysłuchaŭšy skarhu, zahadaŭ zajaŭniku zhvałcić siastru abvinavačanaha ŭ adkaz — što, jak śćviardžajuć u palicyi, jon i ŭčyniŭ.
Pakistanskaja hazieta Dawn napisała, što dziaŭčyna była vymušanaja paŭstać pierad hrupaj i była zhvałtavanaja na ich vačach i ŭ prysutnaści ŭłasnych baćkoŭ.
Maci dźviuch dziaŭčynak paźniej padali skarhi ŭ miascovy palicejski ŭčastak. U abodvuch vypadkach miedycynskija ahlady paćvierdzili fakt zhvałtavańnia.
Inšy palicejski, Achsa Junas, skazaŭ, što pieršaj zhvałtavanaj dziaŭčyncy było 12-14 hadoŭ, a achviary zhvałtavańnia ŭ adkaz — 16 abo 17 hadoŭ.
Jon skazaŭ, što palicyja zarehistravała skarhu suprać 25 čałaviek, i što padazravany, abvinavačvany ŭ zhvałtavańni 12-hadovaha dziciaci, usio jašče na svabodzie.
Choć u niekatorych paviedamleńniach havorycca, što zhvałtavańnie zahadała ździejśnić džyrha (viaskovy saviet), krynicy VVS paviedamili, što hetaja hrupa faktyčna była sabranaja pradstaŭnikami dźviuch siemjaŭ.
Džyrha — saviet, utvorany ź miascovych starejšyn — časta vyrašaje sprečki ŭ vioskach Pakistana. Ale hetyja parady ličacca niezakonnymi i byli asudžanyja za šerah sprečnych rašeńniaŭ, u tym liku za zahady ab zhvałtavańniach z pomsty, a taksama pra tak zvanyja «zabojstvy honaru».
U 2002 hodzie džyrha zahadała zhvałcić 28-hadovuju Muchtaru Maj, čyj 12-hadovy brat byŭ abvinavačany ŭ ramanie sa starejšaj žančynaj.
Maj pryviała svaich hvałtaŭnikoŭ u sud — akt nadzvyčajnaj mužnaści ŭ Pakistanie, dzie achviary seksualnaha hvałtu pa-raniejšamu stanoviacca izhojami.
Kali ich pryhavory byli admienienyja Viarchoŭnym sudom Pakistana, joj prapanavali biehčy z krainy. Adnak jana paličyła za lepšaje zastacca ŭ svajoj vioscy i adkryła škołu dla dziaŭčat i prytułak dla žančyn, jakija stali achviarami zhvałtavańniaŭ.
Maj stała viadomaj pravaabaroncaj, a jaje historyja lehła ŭ asnovu opiery «Thumbprint», pastaŭlenaj u Ńju-Jorku ŭ 2014 hodzie.
Kamientary