U vychadnyja — horača i karotkačasovyja daždžy

Haračaje nadvorje z karotkačasovymi daždžami i navalnicami čakajecca ŭ Biełarusi ŭ vychadnyja, paviedamili ŭ Biełhidramiecie.

Pavialičyć

Samy haračy dzień letniaha siezonu 2017 hoda byŭ 2 žniŭnia, siaredniesutačnaja tempieratura pavietra pieravysiła klimatyčnuju normu na 4-8 hradusaŭ, a dniom pavietra prahravałasia da plus 29-35. «Atmaśfiera vielmi ruchomaja, i ŭčora dniom atmaśfierny front vycieśniŭ haračaje pavietra. Leta praciahvajecca, i ŭ bližejšyja dni zachavajecca pa-letniamu ciopłaje nadvorje, ale biez navalničnych daždžoŭ nie abydziecca», — adznačyli ŭ Biełhidramiecie.

Prahrełasia vada ŭ rekach i vadajomach. Tempieratura vady na Zachodniaj Dźvinie składaje 20-22 hradusy vyšej za nul, na Niomanie — 22-24, na Dniapry — plus 22-25, na Sožy i Prypiaci-kala 25 hradusaŭ ciapła, na voziery Narač — plus 22, na Zasłaŭskim i Vilejskim vadaschoviščach — 21 hradus vyšej za nul.

U piatnicu, 4 žniŭnia, pad upłyvam čarhovaj sistemy atmaśfiernych frantoŭ, jakija źmiaščajucca z Zachodniaj Jeŭropy, nočču i ranicaj na bolšaj častcy terytoryi, a dniom pieravažna pa paŭdniovym uschodzie Biełarusi projduć karotkačasovyja navalničnyja daždžy, miescami čakajucca mocnyja liŭni i škvalistaje ŭzmacnieńnie vietru paryvami da 15-20 m/s. Tempieratura pavietra nočču składzie 16-22 hradusy vyšej za nul. Dniom budzie 24-29 hradusaŭ ciapła, pa paŭdniovym uschodzie čakajecca plus 30-32.

U subotu nadvorje budzie znachodzicca pad upłyvam ciopłych niaŭstojlivych pavietranych mas, u niekatorych rajonach nie abydziecca biez karotkačasovych daždžoŭ. Tempieratura pavietra ŭnačy składzie 12-18 hradusaŭ vyšej za nul, pa paŭdniovym uschodzie — da plus 20. Dniom prahnazujecca 22-29 hradusaŭ.

U niadzielu, 6 žniŭnia, nadvorje budzie vyznačać vobłaść pavyšanaha atmaśfiernaha cisku, tolki dniom pa zachadzie adabjecca ŭpłyŭ małaaktyŭnych frantalnych raździełaŭ, jakija pieramiaščajucca z Zachodniaj Jeŭropy. Nočču budzie biez apadkaŭ, dniom u niekatorych rajonach projduć karotkačasovyja daždžy, mahčymyja navalnicy. Nočču miescami słaby tuman. Tempieratura pavietra ŭnačy składzie 11-17 hradusaŭ vyšej za nul. Dniom čakajecca 21-28 hradusaŭ ciapła, pa paŭdniovym uschodzie — da plus 30.

U pačatku nastupnaha tydnia zachavajecca ciopłaje nadvorje. U paniadziełak nočču pieravažna pa ŭschodzie, dniom u niekatorych rajonach krainy projduć karotkačasovyja daždžy, miescami prahrymiać navalnicy. Tempieratura pavietra ŭnačy składzie 11-18 hradusaŭ vyšej za nul, dniom budzie plus 21-28.

U aŭtorak i sieradu, 8-9 žniŭnia, nadvorje budzie farmavać u asnoŭnym vobłaść pavyšanaha atmaśfiernaha cisku, pa paŭdniovym zachadzie adabjecca ŭpłyŭ frantalnaha padziełu. Budzie pieravažna biez apadkaŭ, tolki dniom pa paŭdniovym zachadzie Biełarusi projduć karotkačasovyja daždžy, navalnicy. Tempieratura pavietra ŭnačy składzie 11-18 hradusaŭ vyšej za nul, udzień čakajecca 20-27 ciapła. U sieradu pa poŭdni krainy pavietra prahrejecca da plus 28-30.

• 0
• 0
• 0
• 0
• 0
• 0
• 0
• 0