Estonija vyrašyła pašyryć svoj biudžet za košt vychadu na ICO (pieršasnaje raźmiaščeńnie maniet), vypuściŭšy ŭłasnyja tokieny pad nazvaj «estkojny».
Varta skazać, što Estonija — heta pieršaja kraina, jakaja prapanuje prahramu elektronnaha hramadzianstva. Prahrama dazvalaje svaim udzielnikam skarystacca mnostvam uradavych pasłuh, u tym liku pačać pracu ŭ kampanii, jakaja bazujecca ŭ Jeŭrasajuzie, faktyčna biez realnaha hramadzianstva.
Čytajcie: Estonija: jak vyhladaje mocnaja ličbavaja nacyja XXI stahodździa
Ideju vychadu na ICO dla pašyreńnia biudžetu krainy i vypusku ułasnaj kryptavaluty prapanavaŭ Kaspar Koržus, aŭtar prahramy elektronnaha hramadzianstva. Koržus u ahulnadastupnym dakumiencie vykłaŭ, jak jon bačyć vychad krainy na ICO.
Nastupnym krokam moža stać raspracoŭka techničnaha dakumienta z vykładańniem koštu tokienaŭ i taho, jak mienavita buduć vykarystoŭvacca inviestycyi.
Pavodle zadumy, hrošy, atrymanyja ŭ vyniku raźmiaščeńnia, mohuć być vykarystanyja fondam, jakim sumiesna kirujuć urad i źniešnija pryvatnyja kampanii. Hety fond budzie vykarystoŭvacca dla inviestycyj u novyja technałohii dla dziaržaŭnaha siektara, a taksama dla inviestavańnia vienčurnaha kapitału ŭ estonskija kampanii, stvoranyja jak miascovymi, tak i «elektronnymi» rezidentami.
Urešcie tokieny buduć vykarystoŭvacca ŭ jakaści sposabu apłaty dziaržaŭnych i pryvatnych pasłuh jak unutry krainy, tak i va ŭsim śviecie. Hetyja pracedury pavinny zabiaśpiečyć viartańnie inviestycyj dla ŭdzielnikaŭ ICO.
Aficyjnyja ŭłady Estonii pastavilisia da idei Koržusa surjozna. Urad užo zapytvaje vodhuki kryptavalutnych ekśpiertaŭ, a zasnavalnik rasijskaje kryptavaluty Ethereum Vitalij Buteryn staŭ daradcam prajekta.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary