Viarchoŭny sud Kienii upieršyniu ŭ historyi krainy anulavaŭ vyniki niadaŭna prajšoŭšych prezidenckich vybaraŭ. Sud spasłaŭsia na parušeńni pry ich praviadzieńni i pastanaviŭ, što novyja vybary treba pravieści na praciahu 60 dzion, paviedamlaje VVS.
U minułym miesiacy vybarčaja kamisija abviaściła pieramožcam vybaraŭ Uchuru Kienijata, dla jakoha heta byŭ by ŭžo druhi termin prezidenctva.
Kandydat ad apazicyi Raiła Adzinha śćviardžaŭ, što internet-sistema vybarčaj kamisii była ŭzłamanaja, kab paŭpłyvać na vyniki vybaraŭ.
U Kienii — najbujniejšaj ekanomicy Uschodniaj Afryki — sproby apratestavać vyniki vybaraŭ zdarajucca nie pieršy raz.
U 2007 hodzie toj ža Adzinha, prajhraŭšy vybary tahačasnamu prezidentu Mvai Kibaki, nie pahadziŭsia z vynikami i nie pryznaŭ parazu.
U vyniku sutyknieńniaŭ pamiž prychilnikami dvuch kandydataŭ zahinuli kala 1500 čałaviek.
Adzinha nie byŭ zhodny z vynikami pa mienšaj miery troch minułych vybaraŭ.
Kamientary