Rasijskija ŚMI pra vučeńni «Zachad-2017»: Łukašenka pakryŭdziŭsia?
Vajskovyja vučeńni «Zachad-2017» skončylisia. Rasijskaja technika pakidaje miežy Biełarusi. Što pisali pra vyniki vučeńniaŭ u Rasii? «Naša Niva» zrabiła padborku mierkavańniaŭ.
Rosbałt: Łukašenku ŭkazali jaho miesca?
«Rasijska-biełaruskija vučeńni «Zachad-2017» skončylisia zrujnavalnaj parazaj — jak ŭmoŭnaha praciŭnika, tak i dobrych adnosin Minska z usimi susiedziami», — adznačaje vydańnie Rosbałt.
Aŭtar materyjała Dzianis Łaŭnikievič adznačaje, što Rasii ciapier užo zusim nieabaviazkova pravodzić hibrydnuju akupacyju Biełarusi, bo «niesamastojnaść aficyjnaha Minska i jaho biezdapamožnaść u vajskova-palityčnym płanie była prademanstravana ŭsiamu śvietu, a adnosiny z susiedziami — načysta sapsavanyja».
«Ciapier možna śmieła vykazać zdahadku, što paśla zaviaršeńnia vučeńniaŭ adnosiny pamiž Minskam i Maskvoj niejki čas buduć dastatkova prachałodnymi. Rasija zanadta jarka prademanstravała niesamastojnaść Biełarusi ŭ vajskova-palityčnych pytańniach i jaje nikčemnuju značnaść u rehijonie ŭ vypadku siłavoha supraćstajańnia.
Zrazumieła, što biełaruskaje kiraŭnictva pakryŭdziłasia: vychodzić, što padčas vučeńniaŭ Kreml paprostu vykarystaŭ sajuźnika jak satelita, kab padkreślić ułasnuju vajskovuju siłu. Paśla hetaha, atrymlivajecca, jeŭrapiejcam prosta niama pra što vieści pieramovy z aficyjnym Minskam — ciapier usio vyhladaje tak, što ad Łukašenki ŭ rehijonie ŭ pytańniach biaśpieki realna ničoha nie zaležyć», — adznačaje Rosbałt.
«Bajavyja siabry» rassvarylisia?
Vajskovy ahladalnik Alaksandr Holc piša: «Vysnova, jakaja vynikaje z vučeńniaŭ «Zachad-2017», zaklučajecca ŭ tym, što nijakaj abjadnanaj rasiejska-biełaruskaj rehijanalnaj hrupoŭki vojskaŭ nie isnuje ŭ pryrodzie. Baki navat nie ličać patrebnym apieratyŭna damaŭlacca pra scenar bajavych dziejańniaŭ, jaki jany adpracoŭvajuć».
«Na praciahu mnohich hadoŭ Łukašenka sprytna hulaŭ na kompleksach rasijskaha kiraŭnictva, nijak nie žadajučaha źmirycca z adsutnaściu realnych vajskovych sajuźnikaŭ. Jon umudryŭsia atrymlivać šmatmiljardnyja ekanamičnyja bonusy ŭ abmien na słaviesnyja zapeŭnivańni u hatoŭnaść vajavać plačom da plača z rasiejcami. Ale voś paśla anieksii Kryma i sakretnaj vajny na Danbasie nataŭskija bataljony razharnulisia ŭ krainach Bałtyi i Polščy. Vajskovaje supraćstajańnie Rasii i Paŭnočnaatłantyčnaha aljansu stała realnaściu. I biełaruski lidar imhnienna zrazumieŭ: u hetym vypadku vajskovyja abjekty na terytoryi jaho krainy pieratvarajucca ŭ mety pieršaha ŭdaru. I nieadkładna admoviŭsia ad svaich abiacańniaŭ. Jon da biaskoncaści udakładniaje pałažeńnie ab Adzinaj sistemie SPA, adchilaje lubuju mahčymaść raźmiaščeńnia rasijskaj avijabazy ŭ Biełarusi. Tak što nielha vyklučać, što «Zachad-2017» stanie pačatkam raźmiežavańnia dźviuch krain u vajskovaj śfiery», — prahnazuje Alaksandr Holc.
Łukašenka pakryŭdziŭsia?
«Adnosiny Rasiei i Biełarusi znoŭ kociacca pad haru — pierš za ŭsio praz zahad Pucina, jaki zapatrabavaŭ, kab biełaruskija vytvorcy naftapraduktaŭ handlavali imi praz rasiejskija, a nie prybałtyjskija party. Baćka, jak kažuć, nie na žart pakryŭdziŭsia. A ubačyŭšy, što tema vučeńniaŭ vyklikaje nieadnaznačnuju reakcyju na Zachadzie, ź jakim Minsk ciapier jaŭna nie maje namieru svarycca, vyrašyŭ lišni raz nie «śviacicca» u kampanii rasiejskaha prezydenta», — robić vysnovy «Moskovskij komsomolec».
Łukašenka manieŭrami zadavoleny
«Niezavisimaja hazieta» nie vieryć u biaschmarnaść adnosin pamiž Minskam i Maskvoj, niahladziačy na ŭsie zapeŭnivańni Łukašenki.
«Raznahałośsi pamiž sajuźnikami nikudy nie dzielisia, niahledziačy na krasavickaje naftahazavaje pieramirje. Toj fakt, što nazirać za vučeńniami razam z Łukašenkam nie pryjechaŭ navat ministr abarony Rasii Siarhiej Šajhu, tolki ŭmacavała ŭ hetym mierkavańni.
Adnosna realnych pryčyn paasobnaha ŭdziełu «ŭ vajnie» miascovyja analityki budujuć roznyja viersii. Ad biaskryŭdnaj, što «nie chacieli jašče bolš dražnić Zachad» da «asnoŭnyja padziei vučeńniaŭ prachodziać zusim nie ŭ Biełarusi, a ŭ Rasiei». Apošniaja viersija nabyvaje ŭsio bolšuju papularnaść. «Rasiejcy niečakana dla Łukašenki razharnuli značna bolšyja vučeńni, čym mierkavałasia pa pieršapačatkovym płanie. Pryčym rasijski bok padviarstaŭ da «Zachadu-2017» ceły šerah manieŭraŭ, vučeńniaŭ, jakija nie płanavalisia», — ličyć vajskovy ekśpiert Alaksandr Alesin. Praihnaravaŭšy vizit na biełaruski palihon, «rasiejcy pakazali, chto hałoŭny partnior», miarkuje ekśpiert».
A kali nie stanie abodvuch?
Pa źviestkach «Kommiersanta», jašče ŭ sieradu ranicaj biełaruskija ŭłady raźličvali, što vučeńni naviedaje ministr abarony Siarhiej Šajhu. «Adnak praz padziei ŭ siryjskim horadzie Idlib jamu daviałosia svaje płany pierahledzieć», — adznčaje vydańnie.
«Padabałasia ŭsio, što adbyvajecca na palihonie i Alaksandru Łukašenku. Spadabałasia b, napeŭna, i Uładzimiru Pucinu, kali b jon pryjechaŭ u Biełaruś. Spadar Łukašenka prakamientavaŭ jaho adsutnaść na vučeńniach koratka: «Kali snarad u adno miesca — abodvuch adrazu nie stanie». Heta byŭ, viadoma, žart: vidavočna, tak jon namiaknuŭ na incydent z samaadvolnym schodam rakiety ź viertalota Ka-52 padčas rasijskaj častki vučeńniaŭ u Leninhradskaj vobłaści», — zaznačaje «Kamiersant».
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary