Žorstkaje źbićcio 81-hadovaj žančyny adbyłosia ŭ jaje kvatery pa vulicy Žamčužnaj u Homieli. Pavodle materyjałaŭ śledstva, ruku na rodnuju babulu padniaŭ jaje ŭnuk z-za taho, što jana zrabiła jamu zaŭvahu, piša Tut.by.
Raniej nieadnarazova sudzimy hamialčanin, u tym liku za naniasieńnie ciažkich cialesnych paškodžańniaŭ, spadziavaŭsia, što śledstva nie vyśvietlić prykmiet hvałtoŭnaj śmierci. Asabliva spadziavaŭsia na toj fakt, što napiaredadni viečaram, pierad źbićciom, piensijanierka sama zvaliłasia z kanapy i raśsiekła patylicu.
Ale vyniki sudova-miedycynskaj ekśpiertyzy pakazali: niezadoŭha da śmierci paciarpiełaj było naniesiena bolš za dva dziasiatki udaraŭ pa roznych častkach cieła, pryčyniŭšy množnyja pierałomy rebraŭ z paškodžańniem lohkich, paviedamiŭ aficyjny pradstaŭnik upraŭleńnia Dziaržaŭnaha kamiteta sudovych ekśpiertyz pa Homielskaj vobłaści Rusłan Habryloŭ.
Taksama vyśvietliłasia, što abvinavačvany nieadnarazova źbivaŭ blizkich svajakoŭ maci, rodnuju siastru i brata. Zdarałasia, biŭ i susiedziaŭ pa padjeździe. Sprava nakiravana prakuroru dla pieradačy ŭ sud. Za ŭčynieńnie naŭmysnaha zabojstva z asablivaj žorstkaściu zaviedama staroj mužčynu pahražaje da 25 hadoŭ pazbaŭleńnia voli abo vyšejšaja miera pakarańnia.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty16
Kamientary