Жорсткае збіццё 81-гадовай жанчыны адбылося ў яе кватэры па вуліцы Жамчужнай у Гомелі. Паводле матэрыялаў следства, руку на родную бабулю падняў яе ўнук з-за таго, што яна зрабіла яму заўвагу, піша Tut.by.
Раней неаднаразова судзімы гамяльчанін, у тым ліку за нанясенне цяжкіх цялесных пашкоджанняў, спадзяваўся, што следства не высветліць прыкмет гвалтоўнай смерці. Асабліва спадзяваўся на той факт, што напярэдадні вечарам, перад збіццём, пенсіянерка сама звалілася з канапы і рассекла патыліцу.
Але вынікі судова-медыцынскай экспертызы паказалі: незадоўга да смерці пацярпелай было нанесена больш за два дзясяткі удараў па розных частках цела, прычыніўшы множныя пераломы рэбраў з пашкоджаннем лёгкіх, паведаміў афіцыйны прадстаўнік упраўлення Дзяржаўнага камітэта судовых экспертыз па Гомельскай вобласці Руслан Габрылёў.
Таксама высветлілася, што абвінавачваны неаднаразова збіваў блізкіх сваякоў маці, родную сястру і брата. Здаралася, біў і суседзяў па пад'ездзе. Справа накіравана пракурору для перадачы ў суд. За ўчыненне наўмыснага забойства з асаблівай жорсткасцю заведама старой мужчыну пагражае да 25 гадоў пазбаўлення волі або вышэйшая мера пакарання.
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА16
Каментары