Paleantołahi znajšli pareštki, mahčyma, samaha staražytnaha dreva na Ziamli
Navukoŭcy-paleantołahi znajšli ŭ Kitai skamianieły stvoł adnaho ź pieršych drevaŭ Ziamli, jakoje rasło na pavierchni płaniety prykładna 375 miljonaŭ hadoŭ tamu, havorycca ŭ artykule, apublikavanym u časopisie PNAS.
«Raniej nam udavałasia znachodzić zakamianiełyja stvały drevaŭ, užo zapoŭnienyja piaskom, što pieraškadžała zrazumieć, jak jany byli ŭładkavanyja znutry. Stvoł staražytnaha dreva, jaki my znajšli ŭ Sińczianie, mieŭ vielizarnyja pamiery, i jon idealna zachavaŭsia ŭnutry svojeasablivaj «upakoŭki» z vułkaničnaha kremniaziomu, što dazvoliła nam razhledzieć kožnuju jaho kletku», — raspaviadaje Krys Bery z Univiersiteta Kardyf (Vialikabrytanija).
Bery i jaho kalehi zmahli ŭpieršyniu vyvučyć budovu ŭnutranych płastoŭ samych staražytnych drevaŭ dziakujučy hetaj vypadkovaj znachodcy.
Paleantołahi raniej ličyli, što pieršyja drevy mieli bolš prymityŭnuju budovu, čym sučasnyja raśliny, spasyłajučysia na toje, što ich prodki žyli ŭ vodach mora, dzie nie treba było kłapacicca ab transparciroŭcy vady, mikraelemientaŭ i pažyŭnych rečyvaŭ unutry siabie.
Kali Bery i jaho kalehi daśledavali znojdzieny imi stvoł pry dapamozie renthiena, jany zrazumieli, što heta ŭjaŭleńnie było ŭ korani pamyłkovym: ksilemy («vodapravody») i fłaemy («cukrapravody») dahistaryčnaha dreva mieli bolš składanuju budovu, čym navat sučasnyja kvietkavyja raśliny.
Pa słovach navukoŭcaŭ, unutry hetaha dreva miełasia nie adno, a niekalki dziasiatkaŭ hadavych kolcaŭ, jakija adnačasova raśli i pavialičvalisia ŭ šyryniu, što rabiła jaho bolš padobnym na pučok zrosłaj travy, čym na adzinaje dreva.
U adroźnieńnie ad jahonych sučasnych naščadkaŭ, centralnaja častka hetaha dreva była połaj, a vada transpartavałasia pa ksilemie vielmi niezvyčajnym čynam.
«Ja nie viedaju, ci isnavała ŭ historyi Ziamli choć by adno inšaje dreva, jakoje b tak składana vyrašała ŭsie hetyja zadačy. Jano adnačasova raździrała siabie na častki i abvalvałasia pad svajoj ułasnaj vahoj, ale pry hetym zastavałasia žyvym i rasło ŭ daŭžyniu i ŭ šyryniu dla taho, kab zaniać daminujučyja pazicyi ŭ pieršych lasach Ziamli. Hetaje adkryćcio stavić pierad nami pravakacyjnaje pytańnie: čamu samyja staražytnyja drevy byli samymi składanymi», — zaklučaje navukoŭca.
-
Kitajskaja kampanija prezientavała pieršaha poŭnapamiernaha robata-humanoida, jaki adčuvaje dotyk i biehaje marafony
-
Kampanija OpenAI pryniała rašeńnie kančatkova adklučyć svaju papularnuju madel štučnaha intelektu ChatGPT-4o
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
Kamientary