Jašče nie pozna! Premija imia Natalli Arsieńnievaj źbiraje knihi da kanca kastryčnika
Arkamitet praciahnuŭ termin padačy zajavak: da 31 kastryčnika ŭsio jašče možna dasłać zajaŭku dla ŭdziełu ŭ Premii imia Natalli Arsieńnievaj za najlepšuju paetyčnuju knihu na biełaruskaj movie, vydadzienuju ŭ 2016 h.
Pravam naminavańnia na Premiju vałodajuć vydaŭcy, tvorčyja abjadnańni, arhkamitet Premii, siabry žury i sami aŭtary. Na ich lažyć abaviazak pradstavić elektronnyja pdf-viersii vydańniaŭ i, kali kniha vydavałasia ŭ papiarovym vyhladzie, dva papiarovyja asobniki knih. Papiarovyja asobniki prymajucca pa adrasie Sajuza biełaruskich piśmieńnikaŭ (Minsk, vuł. Kuźmy Čornaha, 31-906), elektronnyja varyjanty — na adras: [email protected]
Razam z tym, kampietentnaje žury ŭ składzie Iryny Bahdanovič, Lavona Barščeŭskaha, Uładzimira Hłazava, Valžyny Mort i Cichana Čarniakieviča prystupiła da razhladu tych 18 knih, jakija ŭžo byli dasłanyja.
U Premii Arsieńnievaj źjaviŭsia svoj łahatyp — nad im pracavaŭ Anatol Łazar (studyja «Adliha»). Aŭtar łoha pasprabavaŭ stylizavać cytatu ź vierša Natalli Arsieńnievaj «Pad sinim niebam usio inačaj» pad počyrk vybitnaj paetki.
Premija za najlepšuju paetyčnuju knihu zasnavanaja ŭ honar vydatnaj biełaruskaj paetki, zorki litaratury Zachodniaj Biełarusi, aŭtarki znakavaha vierša «Mahutny Boža» Natalli Arsieńnievaj. Paśla vajny Arsieńnieva apynułasia ŭ emihracyi, dzie praciahvała zajmacca biełaruskaj spravaj, udzielničała ŭ kulturnaj i aśvietnickaj dziejnaści.
Premija nie maje svajho sajtu, ale ŭsiu aktualnuju infarmacyju možna znajści ŭ fejsbuku i na sajtach arhanizataraŭ. Suzasnavalnikami premii źjaŭlajucca Sajuz biełaruskich piśmieńnikaŭ, Biełaruski PEN-centr i Zhurtavańnie «Baćkaŭščyna».
Litaraturnaja premija imia Natalli Arsieńnievaj zasnavanaja pry spryjańni Fonda kultury i adukacyi Orsa-Ramana i Charytatyŭnaha fonda Zhurtavańnia biełarusaŭ Vialikaj Brytanii. Sioleta premija budzie ŭručacca ŭpieršyniu, ale płanujecca, što jana stanie štohadovaj.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA7
Kamientary