Brusel i Łondan prasunulisia ŭ pieramovach pa ŭsich troch kirunkach — pravach hramadzian błoka i Brytanii, pytańni miažy Paŭnočnaj Irłandyi i niaŭstojcy.
Jeŭrasajuz i Vialikabrytanija dasiahnuli «istotnaha prahresu» ŭ pieramovach pa Brexit. Pra heta havorycca ŭ zajavie Jeŭrakamisi.
Jeŭrapiejskaja rada 15 śniežnia prymie rašeńnie, ci pačynać druhuju fazu pieramovaŭ. «Kamisija zadavolenaja istotnym prahresam, dasiahnutym pa ŭsich troch pryjarytetny napramkach - pravach hramadzian, dyjałohu pa Irłandyi i Paŭnočnaj Irłandyi, finansavych damovach», - adznačajecca ŭ tekście.
Pradstaŭnik Jeŭrakamisii zapeŭniŭ, što pravy hramadzian Jeŭrasajuza, jakija žyvuć u Vialikabrytanii, buduć abaronieny i zastanucca takimi ž, jak i da Brexit. «Kamisija paabiacała, što ŭsie administracyjnyja pracedury dla hramadzian ES u Brytanii buduć prostymi i tannymi», - padkreślivajecca ŭ zajavie.
U dačynieńni da irłandskaj miažy Brytanija paabiacała, što nie budzie šukać žorstkaha pahadnieńnia. «Heta ciažkija pieramovy, ale my zrabili pieršy praryŭ», - zajaviŭ prezident Jeŭrakamisii Žan-Kłod Junkier.
Pakul nie viadomaja suma niaŭstojki, jakuju Łondan zapłacić za daterminovy vychad ź jeŭrapiejskich prajektaŭ, ŚMI nazyvali ad €20 młrd da 60 młrd.
Kamientary