U Breście adkryjuć pomnik Bieraściejskaj Biblii 1563 hoda FOTAFAKT
Pomnik słavutaj Bieraściejskaj Biblii adkryjecca zaŭtra z Breście na skryžavańni vulic Kirava i Puškinskaj, paviedamiŭ u svaim fejsbuk-akaŭncie Mikałaj Małaščonak. Usiaho na konkurs było dasłana 10 prajektaŭ, pieramoh prajekt minčuka Antona Ničyparuka.
Bieraściejskaja Biblija heta druhi (paśla katalickaj Biblii Leapalita) poŭny pierakład Śviatoha Pisańnia na polskuju movu — litaraturnuju movu XVI stahodzia, vydadzieny na srodki Mikałaja Radziviła Čornaha ŭ 1563 hodzie. Vydańnie stała adnym ź pieršych poŭnych pierakładaŭ novaha času z moŭ aryhinału: iŭryta i hrečaskaj. Bieraściejskaja Biblija — samaja vialikaja i bahata aformlenaja biełaruskaja drukavanaja kniha XVI stahodździa.
Vykanana ŭ pieraplocie sa skury, z pradmietnym pakazalnikam (što było ŭpieršyniu prymieniena ŭ biełaruskim knihadrukavańni). Vydańnie bahata upryhožana: akramia pieraplotu majucca hraviravanyja tytulnyja listy, akcent na inicyjały, aryhinalnyja ilustracyi ŭ technicy ksiłahrafii. Ź vialikim majsterstvam vykananyja zastaŭki, vińjetki, vialikija litary-inicyjały.
Asobniki zachoŭvajucca ŭ Rasijskaj dziaržaŭnaj biblijatecy ŭ Maskvie, Centralnaj biblijatecy AN Litvy i ŭ Jahiełonskaj biblijatecy ŭ Krakavie. Niapoŭny ekzemplar zachoŭvajecca ŭ Centralnaj navukovaj biblijatecy imia Jakuba Kołasa NAN Biełarusi. Usiaho zachavałasia kala 120 asobnikaŭ u roznym stanie — jak poŭnych, tak i niapoŭnych. U samim Breście ŭ abłasnoj biblijatecy zachoŭvajecca kala 100 staronak z 738-staronkavaha vydańnia.
Kamientary