U ŁDPR pryniali kančatkovaje rašeńnie ab vyłučeńni staršyni partyi, kiraŭnika frakcyi ŭ Dziarždumie Uładzimira Žyrynoŭskaha kandydatam u prezidenty Rasii, piša RBK.
«Ja hatovy šosty raz pajści na vybary prezidenta. Vy razumiejecie, što ŭ Jeŭropie nichto nie ŭ stanie bałatavacca šeść razoŭ? Heta ž nie dyskateka, heta nie sustreča Novaha hoda. Treba treści svaim intelektam, dakazać, što tvaje mazhi lepš za miljony našych hramadzian», — skazaŭ u chodzie vystupleńnia na źjeździe Žyrynoŭski.
Žyrynoŭski piać razoŭ bałatavaŭsia ŭ prezidenty Rasii — čaściej za jaho ŭ prezidenckich kampanijach udziełu nie prymaŭ nichto, u tym liku lidar KPRF Hienadź Ziuhanaŭ. Maksimalny vynik Žyrynoŭski pakazaŭ na vybarach 2008 hoda, kali za jaho prahałasavali 9,35% rasijanaŭ. Tady jon zaniaŭ treciaje miesca, sastupiŭšy Dźmitryju Miadźviedzievu (70,28%) i Ziuhanavu (17,72%).
Raniej ab udziele ŭ prezidenckich vybarach u Rasii, jakija projduć 18 sakavika, zajavili Uładzimir Pucin, Alaksiej Navalny, Ksienija Sabčak, Ryhor Jaŭlinski i Barys Citoŭ.
-
Mierc choča vypravić z Hiermanii dachaty 80% siryjcaŭ. Jaho ŭžo mocna raskrytykavali
-
«Rasija ciśnie na ZŠA». Zialenski raskryŭ novyja terminy, pastaŭlenyja rasijanami dla zachopu Danbasa
-
Jeŭrapiejskija krainy abmiažoŭvajuć vykarystańnie svajoj pavietranaj prastory dla samalotaŭ, jakija vajujuć u Iranie
Kamientary