AAN pavinna razhledzieć prymianieńnie kantynhientu ŭ 20 tysiač vajskoŭcaŭ z krain, jakija nie źjaŭlajucca siabrami NATO i 4 tysiač palicejskich dla taho, kab dapamahčy ŭrehulavać kryzis va Ukrainie, havorycca ŭ novaj spravazdačy, jakaja musić być pradstaŭlena słužbovym asobam na hetym tydni.
Spravazdača, składzienaja byłym hienieralnym sakratarom NATA Andersam Foh Rasmusenam, jaki ciapier źjaŭlajecca daradcam prezidenta Ukrainy Piatra Parašenki, budzie pradstaŭlena čynoŭnikam, u tym liku śpiecpradstaŭniku ZŠA pa pytańniach Ukrainy Kurta Ŭołkiera, pieradaje Hołas Amieryki.
Na šlachu zaćviardžeńnia miratvorčych sił AAN jość vialikija pieraškody, bo Rasija, jakaja maje prava vieta ŭ Saviecie Biaśpieki AAN, pavinna pahadzicca z hetym farmatam i Šviecyja pavinna pahadzicca ŭznačalić misiju.
«Hetaja dziejnaść zapatrabuje pryciahnieńnia šerahu jeŭrapiejskich krain, takich jak Šviecyja, krain, jakija majuć dośvied miratvorčych apieracyj, takich jak Brazilija, i krain, jakim daviaraje Rasija, takich jak Biełaruś», — zajaviŭ Ryčard Hovan, saaŭtar spravazdačy i ekśpiert pa AAN Kałumbijskaha univiersiteta.
Stvareńnie miratvorčych sił, na dumku Hovana, dazvolić pravieści miascovyja vybary va Ukrainie, što źjaŭlajecca klučavoj častkaj Minskich damoŭlenaściej. «Kali atrymajecca dosyć chutka razharnuć prysutnaść na miescach, dobra było b pierajści da miascovych vybaraŭ za 12 miesiacaŭ, a zatym pakinuć miratvorcaŭ na pieryjad astudžeńnia, naprykład, dva hady ahułam», — padkreśliŭ Hovan.
Apytanka
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary