Rasijski łaŭkostar «Pabieda» admoviŭsia ad palotaŭ u Minsk, paviedamlaje RBK.
Avijakampanija «Pabieda», jakaja płanavała ŭ hetym hodzie adkryć rejs z Sankt-Pieciarburha ŭ Minsk, admoviłasia ad palotaŭ u biełaruskuju stalicu, nie zdoleŭšy damovicca pra taryfy na absłuhoŭvańnie ŭ aeraporcie.
U kancy 2017 hoda «Pabieda» pasprabavała damovicca ab palotach u Minsk. U listapadzie avijakampanija padała zajaŭku na paloty ŭ biełaruskuju stalicu z Sankt-Pieciarburha. 23 listapada 2017 hoda jana atrymała dopusk Mižviedamasnaj kamisii, a akredytacyju biełaruskich avijaŭładaŭ — 25 śniežnia 2017 hoda, kaža pradstaŭnik «Pabiedy».
Ale pa słovach supracoŭnika pres-słužby avijakampanii, aeraport Minska prapanavaŭ rasijskamu pieravozčyku taryfy dla nierezidentaŭ, naminavanyja ŭ jeŭra. Jany istotna vyšejšyja, čym dla rezidentaŭ.
Krynica ŭ avijakampanii «Pabieda» zajaŭlaje, što pieramovy z aeraportam Mienska nie buduć adnoŭlenyja da tych časoŭ, pakul nie buduć stvorany «roŭnyja ŭmovy pa košcie absłuhoŭvańnia dla rasijskich i biełaruskich pieravozčykaŭ». «Ciapier u avijakampanii pastaŭleny pad sumnieŭ paloty «Pabiedy» ŭ Homiel, jakija ŭžo ŭzhodnienyja i zapłanavanyja», — kaža surazmoŭca.
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
-
Bujnaja sietka zaradnych stancyj zapuściła ŠI-taryfy dla elektrakaraŭ
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii10
Kamientary