Alaksandr Łukašenka papiaredžvaje kiraŭnikoŭ ab niepaźbiežnaj adkaznaści za karupcyju.
Pra heta jon zajaviŭ siońnia na respublikanskim sieminary-naradzie ab raźvićci vioski i pavyšeńni efiektyŭnaści ahrarnaj haliny Biełarusi, piša BiełTA.
«Zapomnicie — ad staršyni rajvykankama, zakančvajučy premjer-ministram, — heta kadravy rejestr prezidenta. I ŭsio, što ź imi źviazana, mnie dakładvajecca nieadkładna pa pytańniach karupcyi, kradziažoŭ i inšych pytańniaŭ. I litaści vy nie čakajcie!» — padkreśliŭ biełaruski kiraŭnik.
«Užo ludzi stohnuć u niekatorych rajonach. Spravy niama, vynikaŭ niama, a jon pry ludziach, pačynajučy ad łaźni i zakančvajučy ułasnym, i dla dziaciej, i dla siabie žyllom, ŭkazańni razdaje», — adznačyŭ jon.
«Hladzicie, mužyki. Lepš žabrakom, ale na svabodzie. Čym bahatym tam (u miescach pazbaŭleńnia voli.). Usie na vačach u ludziej. Nie dumajcie, što składana vas vyličyć i nichto viedać nie budzie», — papiaredziŭ Alaksandr Łukašenka.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary