U Leninskim sudzie Hrodna abviaścili prysud žurnalistu Paŭłu Mažejku: štraf 857 rubloŭ. Pavodle milicejskaha pratakoła, jaho vinavacili ŭ pracy na zamiežnaje ŚMI biez akredytacyi. U sudzie suprać Paŭła śviedčyŭ milicyjant, paviedamlaje Radyjo Svaboda.
Pratakoł na Paŭła Mažejku skłali supracoŭniki Leninskaha RAUS Horadni. U im Mažejku vinavaciać u parušeńni č.1 art.35 i č.15 art.1 Zakonu «Ab srodkach masavaj infarmacyi».
U pratakole havorycca, što 25 sakavika ŭ Kałoskim parku padčas praviadzieńnia masavaha mierapryjemstva pryśviečanaha 100-m uhodkam BNR Mažejka, nia majučy akredytacyi žurnalista zamiežnaha srodku masavaj infarmacyi, braŭ interviju ŭ pramym efiry ŭ Vadzima Sarančukova i paźniej źmiaściŭ na sajcie polskaha telekanała «Biełsat» z metaj dalejšaha raspaŭsiudu.
Mažejka skazaŭ Svabodzie, što ŭłady dali ŭ čarhovy raz zrazumieć niezaležnym žurnalistam, što ŭ pryncypie ničoha ŭ adnosinach da ich nie źmianiłasia.
«Jany dazvolili pravieści mierapryjemstva, ale nastolki nakolki im heta patrebna. Maŭlaŭ, vy tut hulajcie, ale milicejski dručok niedzie pobač i my jaho nie schavali…» — kaža Mažejka.
Pavodle jaho, šmat u kaho źjaviłasia eŭfaryja, kali dazvolili praviadzieńnie ŭračystaściaŭ, ale prajšło trochi času i ŭłady ŭsio pastavili na svajo miesca.
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary