Jak prajšli «honki amierykanskich džentelmienaŭ», dzie samy małady aŭtamabil 1947 hoda vypusku FOTY
Raz na hod u amierykanskim miastečku Ŭajłdvud na samym poŭdni štata Ńju-Džersi adbyvajucca honki litaralna na bierazie Atłantyčnaha akijana na piasku ŭ styli 50-ch hadoŭ z udziełam honščykaŭ na retramatacykłach i aŭtamabilach.
Ideja praviadzieńnia takoha niezvyčajnaha mierapryjemstva naležyć Miełu Stulcu i jaho paplečnikam z kłuba amataraŭ retramatacykłaŭ «The Oilers». Vidavočna, što ich ideja adradzić honki u styli časoŭ, kali mota- i aŭtahonki ŭ Amierycy tolki pačynalisia, atrymała niejmaviernuju padtrymku siarod i amataraŭ techniki i zaŭziataraŭ aŭtahonak. U hetym hodzie na plažy sabrałasia bolej za 3 tysiačy hledačoŭ. Zajezdy prachodzili amal bieśpierapynna na praciahu dnia ŭ subotu i ŭ niadzielu.
Patrabavańni dla ŭdziełu ŭ honkach vielmi strohija: matacykły i aŭtamabili pavinny być nie raniej za 1947 hod vypusku i adrestaŭravany adpaviedna svajmu času.
Sučasnaje abstalavańnie, novyja ruchaviki i elektronika nie dazvalajucca. Tym nie mienš, žadajučych paŭdzielničać u spabornictvach akazvajecca zaŭsiody bolej, čym arhanizatary mohuć pryniać. Kolkaść techniki abmiažoŭvajecca ŭ adnu sotniu matacykłaŭ i stolki ž aŭtamabilaŭ. Na praciahu hodu haspadary retratechniki pierabirajuć usio pa detalach, vyčyščajučy piasok z papiarednich zajezdaŭ, padfarboŭvajuć, ramantujuć i ŭdaskanalvajuć svaich «koniej». Tamu ŭdzielnikaŭ honak sapraŭdy možna nazvać entuzijastami, apantanymi luboŭju da svajoj retratechniki.
Jak i na sučasnych honkach, z retrahonkami zdarajecca ŭsiakaje: niechta moža nie dajechać da finišu, a chtości zahłochnie na starcie. Dla takich vypadkaŭ trymajecca nahatovie retraevakuatar, katory voźmie na buksir i adciahnie niebaraku z honačnaj pałasy. Bolšaść honščykaŭ — amierykancy, dy i retratechnika ŭsia tolki amierykanskaja, ale na samaj spravie honki možna nazvać mižnarodnymi, abo navat honkami vialikaj siamiorki, bo z amierykancami spaborničali honščyki z Kanady, Hiermanii, Francyi, Anhlii, Italii i Japonii. Bolš infarmacyi možna znajści na aficyjnym sajcie mierapryjemstva
Bolej fatazdymkaŭ i fota možna pahladzieć tut
-
Kamandzir RDK Dzianis Kapuścin dakazvaŭ Dudziu, što nie jaŭrej
-
«My chacieli stvaryć vajb «Chłopčyk, harełački mnie pryniasi!» U Minsku pačała pracavać «Žanočaja piŭnaja» — aficyjanty tam adny mužčyny
-
Muž byłoj kiraŭnicy Ministerstva ŭnutranaj biaśpieki ZŠA lubić adziavać žanočaje i bambičnyja nakładnyja hrudzi
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami22
Kamientary