Siońnia ŭ restaranie «Pajedziem pajadzim», jaki pabudavany pobač z uročyščam Kurapaty, uładalnik Leanid Zajdes pravioŭ pres-kanfierencyju. Ułaśnik zajaviŭ, što havorka pra zakryćcio restarana abo jaho pieranos nie idzie.
Uładalnik «Pajedziem pajadzim» zajaviŭ žurnalistam, što havorka pra zakryćcio restarana nie idzie, a prapanovu ab pieranosie jaho ŭ inšaje miesca nie vytrymlivaje nijakaj krytyki.
«My hatovyja ŭziać na siabie nastupnyja abaviazacielstvy: nie budzie hučna hučać muzyka, nie budzie salutaŭ i fiejervierkaŭ, muzyčnych zabaŭlalnych prahram — tolki tranślacyi tb, — skazaŭ Leanid Zajdes.
Uładalnik zajaviŭ, što hatovy «abmiarkoŭvać stvareńnie tut muzieja, kali znojdziecca hramadskaja arhanizacyja, jakaja pahodzicca ŭziacca za hety prajekt».
Žurnalistam nie dali mahčymaść zadać pytańni, prapanavali dasłać ich pa elektronnaj pošcie. Zajdes adznačyŭ, što jość nie adzinym uładalnikam ŭstanovy, tamu jon nie moža kazać za ŭsich.
Kamientary