Alaksandr Łukašenka źmianiŭ kiraŭnictva ŭrada. Adpaviednyja kadravyja rašeńni ahučyŭ kiraŭnik dziaržavy, pieradaje BiełTA. Premjer-ministram pryznačany Siarhiej Rumas, jaki da siońnia ŭznačalvaŭ Bank raźvićcia.
Pieršym namieśnikam premjer-ministra pryznačany Alaksandr Turčyn, da ciapierašniaha času kiraŭnik Aparatu Savieta Ministraŭ. Namieśnikam premjer-ministra pryznačany Ihar Lašenka. «Jon znachodzicca ŭ kamandziroŭcy, jon u kursie spravy. Budzie kuryravać pytańni, jakimi zajmaŭsia Uładzimir Siamaška». Da ciapierašniaha času Ihar Lašenka uznačalvaŭ kancern «Biełnaftachim».
Namieśnikam premjer-ministra taksama pryznačany Uładzimir Kucharaŭ. Da hetaha času jon pracavaŭ na pasadzie namieśnika staršyni KDK. «Jon budzie kuryravać pytańni budaŭnictva, ŽKH, transpartu. Heta asnova. A dalej vam vyznačać va ŭradzie, jak vy raźmiarkujecie hetyja abaviazki», — rastłumačyŭ Łukašenka.
Akramia taho, namieśnikam premjer-ministra pryznačany Ihar Pietryšenka, jaki da hetaha źjaŭlaŭsia pasłom Biełarusi ŭ Rasii. Jon budzie adkazvać za sacyjalnuju śfieru — achovu zdaroŭja, adukacyju, kulturu, sport.
Ministram architektury i budaŭnictva pryznačany Dźmitryj Mikulonak.
Ministram pramysłovaści — Pavieł Uciupin. «Viedajecie śfieru. Vy tam, pa-mojmu, hadoŭ piać prapracavali. I vielmi dobra, što vy papracavali i ŭ Ministerstvie ekanomiki. Dla vašaj budučaj pracy heta prosta vydatna», — adznačyŭ Łukašenka.
Ministram suviazi i infarmatyzacyi pryznačany Kanstancin Šulhan. «Čałaviek dyscyplinavany, vajskovy, jaki vielmi dobra viedaje hetuju śfieru, i asabliva pierśpiektyvu raźvićcia, źviazanuju ź infarmacyjnymi technałohijami, stvareńniem vialikaha ŭdzielnaj vahi ŭ śfiery IT», — acharaktaryzavaŭ novaha ministra kiraŭnik dziaržavy.
Ministerstva ekanomiki ŭznačalić Dźmitryj Krutoj. «Vielmi b chaciełasia, kab Ministerstva ekanomiki (vy hetuju arhanizacyju dobra vyvučyli) nabyło novaje dychańnie i byŭ prystasavany da novych realij. Heta vielmi važna», — skazaŭ Łukašenka.
Staršynioj Dziaržaŭnaha vajenna-pramysłovaha kamiteta pryznačany Raman Hałoŭčanka. «Vy tam pracavali, dobra viedajecie hetuju śfieru. Vielmi dobra, što vy papracavali na pasadach pasła ŭ roznych krainach. Usio astatniaje dla taho, kab pracavać u VPK, u vas jość», — skazaŭ Alaksandr Łukašenka.
Apytanka
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary