Usio bolš inviestaraŭ pačynajuć hulać na rost cany nafty.
Niekatoryja inviestary ŭ ZŠA i Jeŭropie pačali rabić staŭku na toje, što nafta Brent padaražaje da $100 za baral užo ŭ nastupnyja paru miesiacaŭ, piša RBK. Zaraz jana kaštuje kala $85 za baral.
Dadzienyja biržaŭ NYMEX i ICE śviedčać, što niekatoryja trejdary ŭ ZŠA i Jeŭropie raźličvajuć, što cana ŭzdymiecca na 17% užo sioleta.
Čakańnie rostu cenaŭ padahrajecca skarotam ekspartu nafty Iranam praz amierykanskija sankcyi, a taksama rašeńnie APIEK, jakoje vyklučyła imhniennaje pavieličeńnie zdabyčy.
Akramia trejdaraŭ, padaražeńnia nafty čakajuć najbujniejšyja suśvietnyja banki. Bank of America Merrill Lynch prahnazuje pavyšeńnie cany na Brent da $95 za barel u druhim kvartale 2019 hoda. Sankcyi ZŠA suprać Irana i, jak vynik, rezkaje źnižeńnie pastavak syraviny mohuć vyklikać chutkaje padaražańnie nafty da $90.
Ale nie ŭsio tak adnaznačna. Rost cany na naftu niepakoić prezidenta ZŠA. Donald Tramp padvyšaje hradus cisku na bahatuju naftaj Saudaŭskuju Araviju, piša Reuters. Jon patrabuje, kab karaleŭstva płaciła ZŠA za toje, što amierykanskaje vojska jaje abaraniaje, a taksama paspryjała tamu, kab rost cenaŭ na naftu prypyniŭsia.
«A jak tam nakont našych vajskovych damovaŭ, pavodle jakich my abaraniajem bahatyja nacyi i ničoha nie majem uzamien? — cytujuć Trampa infarmacyjnyja ahienctvy, — Ja lublu karala Sałmana. Ale, ja jamu skazaŭ — karol, my ciabie abaraniajem. Biez nas ty b i dvuch tydniaŭ nie pratrymaŭsia».
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami32
Kamientary