Pakupnica źniščanaj na aŭkcyjonie karciny Benksi nie stała ad jaje admaŭlacca
Pakupnica karciny Benksi «Dziaŭčynka z šaram», jakaja samaźniščyłasia adrazu paśla prodažu na aŭkcyjonie Sotheby's, pakinuła ŭhodu ŭ sile.
«Kali paśla finalnaha ŭdaru małatka praca była źniščana šroderam, spačatku ja była šakavanaja, ale pastupova pačała razumieć, što ŭ maich rukach apynuŭsia ŭłasny kavałačak historyi mastactva», - pryvodzić jaje słovy aŭkcyjonny dom.
Sotheby's nie raskryvaje imia pakupnicy. Viadoma tolki, što jana rodam ź Jeŭropy i źjaŭlajecca daŭnim klijentam aŭkcyjonnaha doma. Jana nabyła pałatno za miljon funtaŭ sterlinhaŭ 5 kastryčnika.
Paśla źniščeńnia na tarhach karcinie «Dziaŭčynka z šaram» dali novuju nazvu «Kachańnie ŭ śmietnicy», dadali ŭ Sotheby's.
Kamientary