Viadomy svaimi hrafici, zahadkavy mastak Benksi apublikavaŭ u instahram-akaŭncie videa, u jakim raskryŭ sakret ramy sa šredaram (pryładaj dla źniščeńnia dakumientaŭ).
Niezvyčajnuju akcyju źniščeńnia svoj karciny jon pravioŭ siońnia paśla taho, jak jaje pradali na aŭkcyjonie Sotheby's u Łondanie za £1,04 młn, abo $1,4 młn (biez uliku premii pakupnika — za £860 tys., abo $1,1 młn).
Adnak, na dumku ekśpierta, novy ŭładalnik karciny staŭ ščaśliŭčykam, bo košt nabytaj im karciny ciapier tolki ŭzros.
«Vyniki aŭkcyjonu tolki prastymulavali dalejšy rost [cany], i, z ulikam toj ŭvahi ŚMI, jakuju atrymała hetaja vychadka, ščaślivyja pakupniki atrymajuć vialiki prybytak ad tych £1,04 młn, što jany zapłacili minułym viečaram.
Ciapier, kali jana znachodzicca ŭ zdrobnienym stanie, heta ŭžo častka historyi mastactva.
I my b acanili, što Benksi dadaŭ jak minimum 50% da jaje koštu, a mahčyma navat, [cana pracy padniałasia] tak vysoka, što jana [ciapier] kaštuje bolš za £2 młn», — zajaviŭ haziecie Daily Mirror ekśpiert Džoi Sajier. Hetuju zajavu cytuje TASS.
Karcina Benksi samaźniščyłasia paśla taho, jak jaje pradali za $1,1 miljona
Ciapier čytajuć
Pamiatajecie niemaładoha aktyvista, jaki pa duraści źniaŭsia ŭ prapahandysckim kino BT? U Polščy jon ulapaŭsia jašče i ŭ špijanaž5
Kamientary