U Žabinkaŭskim rajonie školnik sprabavaŭ pieraškodzić supracoŭniku DAI i ŭdaryŭ jaho ŭ tvar, paviedamili BiełTA va UDAI UUS Bresckaha abłvykankama.
Incydent adbyŭsia 24 kastryčnika. Kala 13.10 pastupiła paviedamleńnie ab DTZ kala sanatoryja «Buh». Pry hetym niećviarozy vinoŭnik-matacyklist sprabavaŭ źniknuć ź miesca zdareńnia. «Na padjeździe da sanatoryja supracoŭniki zaŭvažyli dziaŭčynu i chłopca. Chłopiec bieh, viedučy ŭ rukach matacykł. Na patrabavańni spynicca maładyja ludzi tolki paskorylisia, — raspaviali ŭ DAI. - Kali inśpiektary DPS dahnali paru, chłopiec paćvierdziŭ fakt avaryi. Jon rastłumačyŭ, što spałochaŭsia i vyrašyŭ uciačy».
Parušalnikam vyjaviŭsia 23-hadovy žychar vioski Załuźzie. Miedycynski ahlad pakazaŭ 2,2 pramile śpirtu ŭ vydychanym im pavietry.
Padčas afarmleńnia pratakołu ź lesu vyjšaŭ chłopiec, jaki vyrašyŭ umiašacca. «Małady čałaviek nieŭchvalna vykazvaŭsia ŭ adras supracoŭnikaŭ DAI i sprabavaŭ pieraškodzić składańniu administracyjnaha materyjału. Jamu była zroblena zaŭvaha, paśla čaho jon udaryŭ supracoŭnika DAI ŭ tvar i źbieh, ale byŭ zatrymany», - painfarmavali ŭ DAI.
Napadnikam byŭ 17-hadovy miascovy žychar, navučeniec 11 kłasa adnoj sa škoł Žabinkaŭskaha rajona. Jon byŭ raniej sudzimy za naniasienie cialesnych paškodžańniaŭ. U jaho dačynieńni raspačataja kryminalnaja sprava za hvałt u dačynieńni da supracoŭnika milicyi.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary