Były paŭabaronca zbornaj Partuhalii Łuiš Fihu paraŭnaŭ hulniu forvardaŭ Kryšcijanu Ranałdu i Ranałda. Słovy futbalista pryvodzić AS sa spasyłkaj na servis DAZN.
«Kryšcijanu zdolny zabivać vielmi šmat hałoŭ hałavoj. Zrešty, abodva forvardy prosta vydatnyja. Jany harantujuć šmat hałoŭ. Usio, što treba zrabić, — heta addać im pas. Jany ŭsio zrobiać sami.
Ale ja b skazaŭ, što Ranałda byŭ najlepšy ŭ hulni ŭ štrafnoj», — raspavioŭ Fihu, adznačyŭšy, što z dvuch futbalistaŭ abraŭ by brazilca Ranałda.
Fihu hulaŭ z abodvuma. Jon byŭ partnioram Ranałda ŭ madrydskim «Reale», a razam z Ranałdu vystupaŭ za zbornuju Partuhalii.
Ranałda, jak i Ranałdu, hulaŭ u «Reale». Brazilec dvojčy stanaviŭsia čempijonam Ispanii. Ranałda dvojčy vyjhravaŭ čempijanat śvietu pa futbole — u 1994-m i 2002-m. Akramia taho, brazilec viadomy pa vystupach u katałonskaj «Barsiełonie», italjanskich kłubach «Internacyjanale» i «Miłan».
Partuhalec hulaŭ u «Reale» z 2009 hoda i staŭ najlepšym bambardziram u historyi kłuba. U składzie kamandy jon čatyry razy stanaviŭsia pieramožcam Lihi čempijonaŭ. Uletku 2018-ha jon pierajšoŭ u «Juvientus».
Kamientary