U ŽŽ aktyŭna abmiarkoŭvajecca infarmacyja «Viačerniaha Minska» pra toje, što Palina Smołava jedzie ŭ Łondan da Poła Makartni, dzie jany zojmucca sumiesnaj tvorčaściu.
Fota Smołavaj z Makartni — fotamantaž?
U ŽŽ aktyŭna abmiarkoŭvajecca infarmacyja «Viačerniaha Minska» pra toje, što Palina Smołava jedzie ŭ Łondan da Poła Makartni, dzie jany zojmucca sumiesnaj tvorčaściu. I robicca vysnova, što fota, jakoje supravadžała hetuju viestku, falšyvaje. U pryvatnaści, znojdzieny zdymak, dzie Poł Makartni ŭ tym samym anturažy staić adzin.
Sumnievu padviarhajecca i źmiest infarmacyi.
«My» źviazalisia ź pijar‑mieniedžeram śpiavački Alenaj Chadaronak. Jana davodzić, što fota Smołavaj z Makartni — realnaje: «Poł Makartni moh stajać tam adzin, a moh fatahrafavacca na tym samym miescy z tymi, chto znachodziŭsia pobač».
Ale ž vyraz tvaru, stanovišča hałavy ŭ muzyki, a taksama vyhlad kaŭniera i rukavoŭ kašuli na abodvuch fota padazrona adnolkavyja!
Što da pajezdki ŭ Łondan, to, jak vyśvietlili «My», havorka idzie pra stažyroŭku ŭ Škole Poła Makartni. Nakont taho, ci budzie tam asabista lehiendarny muzyka, pijar‑mieniedžer biełaruskaj śpiavački dakładna paćvierdzić nie zmahła. To bok, infarmacyja pra zapis probnaha treku Smołavaj i Makartni moža akazacca ŭ vyniku žadanym, a nie rečaisnym.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma28
Kamientary