Ministerstva finansaŭ Biełarusi źmianiła ceny na skupku kaštoŭnych mietałaŭ u nasielnictva. Heta vynikaje z pastanovy viedamstva, raźmieščanaj na Nacyjanalnym pravavym internet-partale, paviedamlaje BIEŁTA.
Novyja ceny na kaštoŭnyja mietały ŭ vyrabach i łomie, što skuplajucca ŭ fizičnych asob, ustanaŭlivajucca pastanovaj Ministerstva finansaŭ numar 2 ad 11 studzienia.
U pryvatnaści, cana za hram zołata pavysiłasia z Br38,28 da Br43,45 za mietał 583-j i 585-j prob, 1 h płaciny 950-j proby - z Br42,13 da Br43,91. Košt hrama sierabra 916-j i 925-j proby składaje Br0,81 - raniej było Br0,76 i Br0,77 adpaviedna. Cana za 1 h paładyju ŭstanoŭlena ŭ pamiery Br73,12 (raniej - Br49,47).
Pavyšajucca i skupačnyja ceny na kaštoŭnyja mietały ŭ vyhladzie zubatechničnaj pradukcyi. Tak, cana za zubnyja pratezy, elemienty zubnych pratezaŭ z najaŭnaściu zołata 900/750-j proby vyrasła z Br57,92 da Br65,73, pratezaŭ sa spłavu zołata 750-j proby z płacinaj i sierabrom - z Br53,14 da Br59,93. Hram detalej zubnych pratezaŭ siarebrana-paładyjevaha spłavu budzie kaštavać Br14,22 (raniej - Br9,8).
Novyja ceny ŭvodziacca z 16 studzienia. Jany nie datyčacca kupli-prodažu bankaŭskimi i niabankaŭskimi kredytna-finansavymi arhanizacyjami kaštoŭnych mietałaŭ u vyhladzie miernych źlitkaŭ i maniet u fizičnych asob.
Kamientary