Nastaśsia Vašukievič, taksama viadomaja jak Naścia Rybka, u intervju telekanału CNN skazała, što paśla taho jak jaje zatrymali ŭ Maskvie, jaje paprasili «nie čapać» biznesmiena Aleha Dzierypasku.
«Kali ja była ŭ rasijskaj turmie, sa mnoj havaryli, mnie dachodliva patłumačyli, što mnie rabić, što kazać, a što nie havaryć», — skazała jana. Na ŭdakładniajučaje pytańnie, chto joj heta skazaŭ, Rybka adkazała: «Rasijskija ahienty».
«Jany skazali mnie: nie čapaj bolš Aleha Dzierypasku», — dadała jana.
Karespandent CNN u Maskvie Mećju Čans taksama spytaŭ u Vašukievič, ci škaduje jana, što raniej rabiła zajavy pra aliharcha. Jana adkazała admoŭna. Rybka ličyć, što ŭvaha z boku ŚMI, mahčyma, vyratavała joj žyćcio, raspavioŭ Čans.
Kamientary