U kramach Apple i Google znajšli prahramu ad urada Saudaŭskaj Aravii, jakaja dazvalaje mužčynam adsočvać žančyn i abmiažoŭvać ich pajezdki. Prahrama Absher, raspracavanaja ministerstvam unutranych spraŭ Saudaŭskaj Aravii, słužyć dla roznych elektronnych pasłuh, piša Gizmodo.
U prahramie dastupnyja takija funkcyi, jak zapyt pašparta, paśviedčańnia ab naradžeńni, rehistracyi transpartnaha srodku abo inšaj dakumientacyi. Ale prahrama taksama dazvalaje mužčynam z Saudaŭskaj Aravii vyznačać, kali i jak žančyny mohuć pierasiakać miežy Saudaŭskaj Aravii. Absher možna vykarystoŭvać dla abmiežavańnia taho, u jakija krainy i harady mohuć padarožničać žycharki Saudaŭskaj Aravii, a taksama naohuł nie dazvalać im padarožničać za miežy krainy.
Akramia taho, ubudavanaja sistema SMS vykarystoŭvajecca dla apaviaščeńnia mužčyn, kali žančyny sprabujuć źjechać samastojna.
Kamientary