Pravacentrysty prapanujuć usim niezaležnym kandydatam vyjści na adny prajmeryz
Pravacentrysckaja kaalicyja, u jakuju ŭvachodziać Abjadnanaja hramadzianskaja partyja, arhkamitet partyi Biełaruskaja chryścijanskaja demakratyja i ruch «Za svabodu», 11 sakavika kančatkova vyrašyła, što «prajmieryz» (pieradvybary) adzinaha kandydata ŭ prezidenty Biełarusi nie buduć abmiažoŭvacca tolki vyłučencami hetych strukturaŭ — Jurasiom Hubarevičam, Mikałajem Kazłovym i Paŭłam Sieviaryncam, piša Radyjo Svaboda.
«My pakidajem mahčymaść dałučeńnia i dadatkovych kandydataŭ. Viedajem, što inicyjatyŭnaja hrupa hramadzian Bresta, jakaja vystupaje suprać pabudovy ŭ horadzie akumulatarnaha zavoda, zaraz razhladaje varyjant svajho ŭdziełu ŭ našych «prajmieryz», — paviedamiŭ Juraś Hubarevič. — Kali jany tak vyrašać, to prablemaŭ ź ichnym dałučeńniem nie budzie. Ab pačatku kampanii my abvieścim zahadzia, kab u patencyjnych kandydataŭ byŭ čas padrychtavacca».
Pravacentrysty nie vyklučajuć dałučeńnia da «prajmieryz» i dźviuch deputatak Pałaty pradstaŭnikoŭ — Aleny Anisim i Hanny Kanapackaj. Ale Anisim pakul nie paćviardžaje svajho ŭdziełu, a Kanapackaja skazała, što pakul dakładna vyrašyła ŭdzielničać tolki ŭ novych parłamienckich vybarach.
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary