Raśsielhasnahlad moža zabaranić uvoz raślinnaj pradukcyi, jakaja pastupaje ŭ Rasiju tranzitam praź Biełaruś i inšyja krainy JeŭrAzES. Pryčyna — niaspynnyja pastaŭki sankcyjnaj pradukcyi ź Biełarusi.
Raśsielhasnahlad razhladaje pytańnie ab pierachodzie da pramoha impartu raślinnaj pradukcyi z trecich krain u abychod Biełarusi i inšych dziaržaŭ JeŭrAzES. Hetuju mieru Raśsielhasnahlad abmiarkuje 27 sakavika z kiraŭnictvam Hałoŭnaj dziaržaŭnaj inśpiekcyi pa nasieńniavodstvu, karancinu i achovie raślin Biełarusi, havorycca ŭ anonsie mierapryjemstva na sajcie słužby.
Pytańnie ab pierachodzie da pramych pastaŭkach z krain pachodžańnia pradukcyi ŭźnikła z-za šmatlikich vypadkaŭ pastupleńnia ŭ Rasiju sankcyjnych tavaraŭ ź Biełarusi, adznačajecca ŭ paviedamleńni. Takija tavary pastupajuć u supravadžeńni fitasanitarnych siertyfikataŭ, aformlenych biełaruskimi kantrolnymi orhanami.
Kali zabarona budzie ŭviedziena, uvozić u Rasiju padkarancinnuju pradukcyi možna budzie tolki praz punkty propusku, raźmieščanyja na rasijskim učastku miažy JeŭrAzES, heta značyć tyja, jakija nie miažujuć ź Biełaruśsiu i inšymi krainami sajuza, vynikaje z paviedamleńnia.
Kamientary