«I huzy nabivali, i padali, i padymalisia. Usio ŭ vas było»: Dvornik pryznačany vice-premjeram

Alaksandr Łukašenka pryznačyŭ Uładzimira Dvornika namieśnikam premjer-ministra, paviedamlaje BiełTA.

Kiraŭnik dziaržavy acharaktaryzavaŭ Uładzimira Dvornika jak dosyć daśviedčanaha čałavieka, jaki prajšoŭ dobruju škołu nie tolki abłasnoha ŭzroŭniu, što važna dla pracy ŭ kiraŭnictvie ŭrada, ale i ŭ śfiery sielskaj haspadarki. «I huzy tam nabivali, i padali, i padymalisia. Usio ŭ vas było, a heta nieacenny vopyt, jaki spatrebicca na pracy vice-premjeram», — skazaŭ Alaksandr Łukašenka.

Uładzimir Dvornik na pasadzie vice-premjera budzie ŭ tym liku kuryravać pytańni raźvićcia ahrapramysłovaha kompleksu, lasnoj haspadarki, pryrodnych resursaŭ i achovy navakolnaha asiarodździa. «Toje, z čym vy ŭvieś čas sutykalisia ŭ svajoj pracy», — adznačyŭ jon.

Alaksandr Łukašenka taksama padkreśliŭ, što ŭ Biełarusi ŭ kadravaj pracy zachoŭvajecca pryncyp ratacyi, jaki vykarystoŭvajecca i za miažoj. «Tamu kiraŭniku Administracyi pastaŭlena zadača unosić prapanovy pa ratacyi kadraŭ. Toje, što my robim u pravaachoŭnych orhanach, — niadaŭna ŭ MUS u čarhovy raz adbyłasia ratacyja. Ludzi pavinny niejak ruchacca i pa viertykali, i pa haryzantali. Dumaju, što taki čas pryjšło i dla hubiernatara Homielskaj vobłaści», — zajaviŭ biełaruski lidar.

Havoračy ab Homielskaj vobłaści, Łukašenka asabliva adznačyŭ svajo staŭleńnie da žycharoŭ rehijonu: «Jano zaŭsiody było nie prosta pavažlivaje. Ja ź vialikaj luboŭju staŭlusia da homielskich ludziej, bo ŭ svoj čas i paciarpieli jany šmat, i vykaraskalisia my razam z hetaj biady. Homielskaja vobłaść užo nie taja, što była, choć, naturalna, nie biez prablem».

Jon vykazaŭ upeŭnienaść, što na pasadu kiraŭnika rehijonu budzie znojdzienaja dastojnaja zamiena, a pakul asnoŭnaja nahruzka laža na pieršaha namieśnika staršyni Homielskaha abłvykankama i pamočnika prezidenta ŭ hetaj halinie. «Ja vas prasiŭ, kab vy zaprasili da siabie svajho pieršaha namieśnika i pamočnika prezidenta, i kab jany ŭdvaich uprehlisia i pracavali ŭ Homielskaj vobłaści, pakul nie budzie aficyjna vyrašana pytańnie pa hubiernatary. Miarkuju, što vy ź imi sustrelisia, pierahavaryli», - skazaŭ Alaksandr Łukašenka.

Razam z hetym kiraŭnik dziaržavy źviarnuŭ uvahu Uładzimira Dvornika, što navat na pasadzie vice-premjera za im zastaniecca Homielskaja vobłaść u kadravych adnosinach, u płanie dapamohi novamu kiraŭnictvu pa ŭvachodžańni ŭ kurs spraŭ. «Kab vy mahli dapamahčy uvajści ŭ kurs spraŭ novamu hubiernataru, novym ludziam, jakija pryjduć vam na źmienu, kab jany mieli mahčymaść zadać pytańni, prakansultavacca ŭ vas. I ruchacca napierad», - rastłumačyŭ Łukašenka.

Uładzimir Dvornik naradziŭsia 16 krasavika 1963 h. ŭ vioscy Rovienskaja Słabada Rečyckaha rajona. Skončyŭ Viciebski vieterynarny instytut. Zasłužany rabotnik sielskaj haspadarki.

Pracavaŭ traktarystam kałhasa imia Dziaržynskaha Rečyckaha rajona, hałoŭnym vieterynarnym doktaram kałhasa «Uschod» Naraŭlanskaha rajona, hałoŭnym vieterynarnym doktaram, namieśnikam staršyni kałhasa «Družba» Mazyrskaha rajona, hałoŭnym dziaržaŭnym vieterynarnym doktaram Mazyrskaha rajona, dyrektaram saŭhas-kambinata «Zara» Mazyrskaha rajona, staršynioj Mazyrskaha rajvykankama. 

Da ciapierašniaha času pracavaŭ na pasadzie staršyni Homielskaha abłasnoha vykanaŭčaha kamiteta.

• 0
• 0
• 0
• 0
• 1
• 0
• 0
• 0