Na papularnym ukrainskim kurorcie ciahnik naśmierć źbiŭ biełarusa
U kurortnym pasiołku Zatoka Adeskaj vobłaści ciahnik naśmierć źbiŭ 24-hadovaha hramadzianina Biełarusi, paviedamlajuć «Fakty».
Infarmacyja pra zdareńnie ŭ Zatocy pastupiła ŭ palicyju ad miedykaŭ u aŭtorak, 23 lipienia. Pa ich słovach, pad kołami hruzavoha ciahnika apynuŭsia nieviadomy mužčyna.
«Mužčyna siadzieŭ na rejkach i nie reahavaŭ na sihnały padvyšanaj hučnaści ciahnika. Hruzavy sastaŭ ruchaŭsia z chutkaściu 70 km/hadzinu, ale, na žal, navat z prymianieńniem ekstranaha tarmažeńnia praduchilić najezd nie ŭdałosia. Mužčyna atrymaŭ traŭmy, niesumiaščalnyja z žyćciom», — zajavili ŭ viedamstvie.
Na miescy zdareńnia śledča-apieratyŭnaja hrupa vyśvietliła asobu zahinuŭšaha. Im akazaŭsia 24-hadovy biełarus, jaki pryjechaŭ u kurortny pasiołak na adpačynak.
Zaraz vyśviatlajucca akaličnaści hibieli maładoha čałavieka, raspačata rasśledavańnie.
Kamientary