Bolš za ŭsio ludziej u śviecie pa-raniejšamu pamirajuć u vyniku sardečna-sasudzistych zachvorvańniaŭ, adnak u raźvitych krainach z vysokim uzroŭniem dachodu asnoŭnaj pryčynaj śmierci staŭ rak, jaki zabivaje pacyjentaŭ u dva ź lišnim razy čaściej. Takija vyniki maštabnaha daśledavańnia, apublikavanyja ŭ časopisie Lancet, pieradaje Bi-bi-si.
Vyvučyŭšy dadzienyja ab špitalizacyi i śmiarotnaści bolš čym 162 tysiač pacyjentaŭ va ŭzroście ad 35 da 70 hadoŭ z 21 krainy z usich piaci kantynientaŭ za 12 hadoŭ (2005—2016), navukoŭcy pryjšli da vysnovy, što zachvorvańni sardečna-sasudzistaj sistemy zastajucca viadučaj pryčynaj śmierci ŭ krainach ź siarednim i nizkim uzroŭniem dachodu — na ich prypadaje krychu bolš za 40% usich śmierciaŭ.
Adnak u krainach z vysokim uzroŭniem dachodu (SVD) ad prablem z sercam pamiraje tolki kala 20% nasielnictva, u toj čas jak ad raku — bolš za 50%.
Ciapier čytajuć
«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA1
Kamientary