ŚMI raskryli padrabiaznaści pra ahienta CRU ŭ Kramli, jaki vykryŭ umiašańnie Rasii ŭ vybary prezidenta ZŠA
Zavierbavany ŭ Rasii ahient, jakoha, pa dadzienych CNN, amierykanskija śpiecsłužby vyvieźli z krainy ŭ 2017 hodzie, byŭ adnym z najbolš kaštoŭnych aktyvaŭ CRU - jon dapamoh u rasśledavańni ŭmiašańnia ŭ vybary i ŭzłomu Nacyjanalnaha kamiteta Demakratyčnaj partyi, piša rbc.ru sa spasyłkaj na The New York Times.
Pavodle NYT, rasijskaha čynoŭnika siaredniaha źviana zavierbavali dziesiacihodździ tamu i aściarožna apracoŭvali, pakul jon išoŭ pa karjernaj leśvicy. U vyniku jon atrymaŭ dostup u Kreml. Kali ZŠA zapadozryli Rasieju ŭ płanach ŭmiašacca ŭ prezidenckija vybary ŭ 2016 hodzie, jon staŭ adnym z samych važnych i najbolš abaronienych aktyvaŭ CRU.
Hety ahient syhraŭ važnuju rolu ŭ vysnovach vyviedki ZŠA ab roli prezidenta Uładzimira Pucina va ŭmiašańni. U 2017 hodzie vyviedka apublikavała dakład, u jakim rasijskaha lidara nazvali adkaznym za ŭmiašańnie.
Pa słovach surazmoŭcaŭ NYT, krynica nie ŭvachodziła ŭ lik nabližanych Pucina, ale rehularna bačyła jaho i była ŭ kursie rašeńniaŭ Kramla. Jaje dadzienyja byli nastolki važnymi, ale ŭ toj ža čas sprečnymi, što ŭ 2016 hodzie ŭ CRU vyrašyli pravieści poŭnuju pravierku ŭsioj atrymanaj ad krynicy infarmacyi.
U kancy 2016 hoda ŭ CRU pačali turbavacca za biaśpieku svajoj krynicy, i ŭ vyniku viedamstva vyrašyła vyvieźci jaho z Rasii. Spačatku infarmatar admoviŭsia, spasłaŭšysia na niepakoj za siamju, čym vyklikaŭ u amierykanskaj kontrvyviedki sumnievy ŭ dakładnaści jaho dadzienych. Dva surazmoŭcy NYT ź liku byłych čynoŭnikaŭ zajavili, što ŭ ich byli inšyja pryčyny mierkavać, što infarmatar CRU źjaŭlajecca padvojnym ahientam. Jany nie stali raskryvać, na čym zasnavanyja ich padazreńni.
Praź niekalki miesiacaŭ jon pahadziŭsia źjechać. Jak piša NYT, heta adbyłosia paśla cisku CRU i cikavaści z boku ŚMI.
Surazmoŭca haziety «Kamiersant» u dziaržorhanach ZŠA zajaviŭ, što ŭ materyjale CNN havorycca pra Aleha Smalankova, što ŭ roznyja hady pracavaŭ u administracyi prezidenta, aparacie ŭrada i rasijskaj ambasadzie ŭ Vašynhtonie. U 2017 hodzie vydańnie Daily Storm pisała, što Smalankoŭ razam ź siamjoj źnik, źjechaŭšy ŭ adpačynak u Čarnahoryju, była raspačataja kryminalnaja sprava. Pavodle vydańnia, rasśledavańnie spynili, bo siłaviki vyśvietlili, što Smalankoŭ žyvy i znachodzicca za miažoj. U 2018 hodzie ŭ raździele ab prodažy nieruchomaści ŭ WP źjaviłasia infarmacyja, što niejkija Aleh i Antanina Smalankovy nabyli dom u horadzie Stafard (štat Virdžynija). Surazmoŭcy NBC śćviardžajuć, što pierabiežčyk žyvie pablizu Vašynhtona, ale nie nazyvajuć jaho imia.
Kamientary