DAI: Karystacca mabilnikami na piešachodnym pierachodzie budzie zabaroniena
U novaj redakcyi pravił darožnaha ruchu piešachodam zabaroniać karystacca hadžetami, pierasiakajučy darohu. Pra heta BiełTA raskazaŭ staršy inśpiektar pa asablivych daručeńniach UDAI MUS Alaksandr Šaŭčenka.
Hramadskaje abmierkavańnie prajekta źmianieńniaŭ va ŭkaz ab mierach pa pavyšeńni biaśpieki darožnaha ruchu prajšło ŭ mai. Zaraz dakumient uzhadniajecca ź dziaržaŭnymi orhanami.
Nieabchodnaść u źmienie zakanadaŭstva źjaviłasia ŭ tym liku z-za raźvićcia technałohij: na darohach stała bolš transpartu, jaki adnieści da peŭnaj katehoryi ŭ ramkach dziejučaha zakanadaŭstva ciažka. «Uvodzicca novy termin «srodki piersanalnaj mabilnaści». Heta pryłady, jakija majuć ruchavik. Pry hetym ich maksimalna dapuščalnaja chutkaść budzie składać 25 km/h. Asoby, jakija vykarystoŭvajuć takija srodki dla pieramiaščeńnia, buduć pryraŭnoŭvacca da piešachodaŭ», — raspavioŭ Alaksandr Šaŭčenka.
Kali pryłada piersanalnaj mabilnaści (elektrasamakat, hiraskutar abo monakoła), razhaniajecca bolš za 25 km/h, nie majučy zavodskich abo prahramnych abmiežavańniaŭ chutkaści, ź im budzie zabaroniena ŭdzielničać u darožnym ruchu.
Katacca z takoj chutkaściu dazvolać tolki na abmiežavanych placoŭkach. «Pieramiaščacca na takich pryładach treba budzie pa viełasipiednych darožkach. Pry ich adsutnaści — pa chodnikach, abapał, nie stvarajučy pieraškod dla ruchu inšym piešachodam», — rastłumačyŭ pradstaŭnik DAI.
Čamu YouTube vydaliŭ kanały BiełTA, STB i ANT? Voś što viadoma4
Kamientary