U Baranavičach abvinavačany ŭ kradziažy smartfona ŭ pierapynku suda źbiehaŭ i kupiŭ paciarpiełamu novy
Žychar Baranavičaŭ, jaki abvinavačvaŭsia ŭ kradziažy Xiaomi Redmi 5, padčas pierapynku ŭ sudovym pasiadžeńni kupiŭ paciarpiełamu novy smartfon — i trapiŭ pad amnistyju, piša Tut.by sa spasyłkaj na hazietu «Naš kraj».
Złačynstva mužčyna ździejśniŭ niekalki miesiacaŭ tamu. Paśla sumiesnaha zastolla z paciarpiełym jon skraŭ u jaho mabilny telefon Xiaomi Redmi 5 za 380 rubloŭ, pradaŭ — i patraciŭ hrošy na śpirtnoje.
Da suda materyjalny ŭron jon paciarpiełamu nie pakryŭ. Abvinavačvańnie zapatrabavała ŭ suda dla abvinavačanaha 2 hady abmiežavańnia voli ŭ papraŭčaj ustanovie adkrytaha typu. Mužčynu patłumačyli, što da poŭnaha pakryćcia škody pra źmiakčeńnie pakarańnia i havorki być nie moža. Tady abvinavačany paprasiŭ sud abjavić pierapynak. Za hety čas jon źbiehaŭ u kramu i kupiŭ novy telefon Xiaomi Redmi 5, jaki ŭručyŭ paciarpiełamu na sudovym pasiadžeńni.
Sud hetuju akaličnaść uličyŭ — i mužčyna atrymaŭ hod chatniaj chimii.
Kamientary