Prezident ZŠA Donald Tramp abvinavaciŭ kanhresmiena-demakrata Adama Šyfa ŭ dziaržaŭnaj zdradzie. Šyf faktyčna kiruje rasśledavańniem dziejańniaŭ prezidenta ŭ ramkach pracedury impičmientu.
Padstavaj dla abvinavačvańniaŭ stała vystupleńnie Šyfa ŭ Pałacie pradstaŭnikoŭ ZŠA, u jakim toj reziumavaŭ źmiest telefonnaj razmovy Trampa z prezidentam Ukrainy Uładzimiram Zialenskim 25 lipienia.
Na dumku Trampa, kanhresmien naŭmysna pierakruciŭ jaho słovy.
Šyf źjaŭlajecca staršynioj kamiteta pa raźviedcy Pałaty pradstaŭnikoŭ ZŠA.
Mienavita jon pieršym raspavioŭ, što śpiecsłužby ZŠA rasśledujuć skarhu supracoŭnika, źviazanuju sa zvankom Trampa Zialenskamu.
U paniadziełak prezident napisaŭ u «Tvitary», što kanhresmien «niezakonna prydumaŭ BIESPADSTAŬNYJA i žudasnyja pakazańni, vydaŭ ich za samyja važnyja słovy ŭ majoj razmovie z ukrainskim prezidentam i pračytaŭ ich uhołas pierad kanhresam i amierykanskim narodam».
Tramp skončyŭ tvit pytańniem: «Aryšt za dziaržaŭnuju zdradu?».
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja15
Kamientary