Pryhody 20-hadovaha bambardzira i zachodniaje derbi. Cikavostki 24 tura vyšejšaj lihi
Razam z Bukmiekierskaj kantoraj Marafon my sočym za futbolnaj vyšejšaj lihaj, u jakoj pačynajecca ŭsio samaje cikavaje.
Čym bližej kaniec, tym čaściej pačynajuć ździŭlać tyja, ad kaho hetaha čakaješ mienš za ŭsio. «Viciebsk» pieramoh u druhoj hulni zapar i zaskočyŭ u pieršuju pałovu tablicy, a pieramohi «Dniapra» dy «Enierhietyka-BDU» apuścili na pieradapošni radok «Homiel».
Pra vyjhryš «studentaŭ» varta raskazać asobna. Tyja prosta paździekavalisia z «Minska» i pieramahli ź likam 6:1. Forvard Illa Škuryn aformiŭ pokier i staŭ najlepšym bambardziram usiaho pieršynstva.
Hulnia pamiž minskim «Dynama» i «Šachcioram» całkam apraŭdała status matča tura. U pieršym tajmie hości zmahli pieraŭtvaryć daminavańnie na poli ŭ hoł, a Siarhiej Hurenka byŭ tak mocna niezadavoleny sudziejstvam, što atrymaŭ čyrvonuju kartku i byŭ vymušany dahladać hulniu na trybunach. U druhoj pałovie impet «Šachciora» niekudy źnik, i zaviedzienyja «dynamaŭcy» zmahli zraŭniać lik. U honcy za čempijonstva salihorcy praciahvajuć hublać važnyja turnirnyja bały.
A ciapier — da padziej 24 tura.
«Haradzieja» — «Minsk»
- 04.10, 20:45. Stadyjon «Haradzieja».
- Kaeficyjenty: «Haradzieja» (pieramoha) — 2.17; ničyja — 2.30; «Minsk» (pieramoha) — 4.90.
- Matč pieršaha kruha — 3:0
«Cukrovyja» vielmi stabilna kročać pa dystancyi. U apošnich 16 turach «Haradzieja» prajhrała tolki dvojčy, i toje — BATE i bresckamu «Dynama».
Pry ŭsioj mahčymaj simpatyi da hulni «Minska», nazvać jaje stabilnaj prosta niemahčyma. Pakul padnačalenyja Andreja Razina mohuć adčuvać siabie ŭ turnirnaj biaśpiecy, ale rassłablacca pad kaniec čempijanatu nie varta.
Prahnoz «NN»: «Haradzieja» pieramoža.
«Słuck» — BATE
U «Słucka» znoŭ vosieńskaja chandra. Kamanda Vitala Paŭłava paśla badzioraha letniaha adrezku prajhrała try apošnija hulni. Letaś takaja sieryja zaciahnułasia ažno na dzieviać matčaŭ, tamu treba terminova rabić karekciroŭki.
BATE ŭ minułym tury minimalna pieramoh doma ŭ «Niomana». Moh i bujniej, ale Mukam nie zabiŭ pienalci. U Słucku ž barysaŭcam zvyčajna hulać niaprosta, adnojčy jany tam navat prajhrali, tamu niahledziačy na ŭsie prablemy «Słucka» bały ŭ čempijonskaj honcy prosta davacca nie buduć.
Prahnoz «NN»: pieramoha BATE.
«Šachcior» — «Tarpieda-BiełAZ»
Novy trenier žodzincaŭ Juryj Puntus abaznačyŭ metaj svajoj kamandy na kaniec siezona čaćviorty radok tablicy, na jakim ciapier znachodzicca minskaje «Dynama». Fora pamiž kamandami — 3 bały, plus u «bieła-sinich» jość jašče hulnia u zapasie.
«Šachcior» zhulaŭ druhi matč zapar uničyju i praciahnuŭ addalacca ad pieršaha radka. Jość imaviernaść, što ŭ hulni z «Tarpieda», jakoje nabiraje chod, heta niepryjemnaja tendencyja moža praciahnucca.
Prahnoz «NN»: totał, bolšy za 2.5.
«Nioman» — «Dynama-Brest»
Pieršaje zachodniaje derbi ŭ siezonie skončyłasia razhromam haradziencaŭ ź nieprystojnym likam.
«Nioman» sioleta zmahajecca chutčej suprać unutranych prablem, čym suprać kankurentaŭ. Tamu čakać revanšu i ŭzmacnieńnia čempijonskaj intryhi, zdajecca, nie varta.
Prahnoz «NN»: pieramoha «Dynama».
«Isłač» — «Dynama-Minsk»
«Isłač» prajhrała ŭ Viciebsku i adstała ad piataha radka na 4 bały. «Vaŭkam» na piaty nastupaje bolš stabilnaja «Haradzieja», a pa prahramie — matč suprać mocnaha minskaha «Dynama».
Minčuki ž taksama ŭ składanaj situacyi: ich dahaniaje «Tarpieda-BiełAZ», i lubyja straty bałaŭ mohuć pakinuć «Dynama» biez patencyjna jeŭrakubkavaha čaćviortaha radka.
Prahnoz «NN»: totał, mienšy za 2.5.
«Enierhietyk-BDU» — «Viciebsk»
U apošnim matčy forvard «studentaŭ» Illa Škuryn zabiŭ čatyry miačy. Cikava, što zimoj Škuryn byŭ vymušany vykupić za 40 tysiač dalaraŭ svoj kantrakt u «Viciebska», bo nie bačyŭ u hetym kłubie pierśpiektyvy.
Jak bačna, taki krok byŭ całkam apraŭdany. Ci praciahnie svaju halavuju sieryju Škuryn u hulni suprać svajho rodnaha kłuba?
Prahnoz «NN»: «Viciebsk» nie prajhraje.
«Homiel» — «Dniapro»
Jak lubiać kazać, matč za 6 bałaŭ.
Kali pieramoža «Homiel», jon vykaraskajecca z zony vyletu. Kali pieramoža «Dniapro», to adarviecca ad pieradapošniaha radka ažno na 4 bały.
Letaś kamanda Bijončyka (tady heta byŭ «Pramień») praviała davoli mocnuju kancoŭku čempijanatu. Mahčyma, i ciapier atrymajecca?
Prahnoz «NN»: «Dniapro» nie prajhraje.
U suviazi sa źniaćciem z čempijanatu minskaha «Tarpieda» va ŭsich astatnich matčach «aŭtazavodcam» budzie prysudžana techničnaja paraza 0:3. Na hety raz pašancavała mazyrskaj «Słavii».
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii10
Kamientary