Vy nikoli nie zdahadajeciesia, matčy jakoha futbolnaha čempijanatu budzie pakazvać «Biełaruś-5»
Kanał «Biełaruś 5» damoviŭsia pakazvać matčy vyšejšaj lihi (prymiejry) čempijanatu Partuhalii pa futbole, piša Presboł.
27 kastryčnika budzie pakazany ŭ žyvym efiry matč «Sportynh» — «Vitoryja Himarajnš». U hety ž dzień «Biełaruś 5. Internet» pakaža matč «Famalikan», jaki źjaŭlajecca niečakanym lidaram «prymiejry», z «Portu».
«Matčy čempijanatu Partuhalii «Biełaruś 5» pakazvaje ŭ testavym farmacie. Ź finansavaha punktu hledžańnia dla kanała heta vielmi vyhadnaja ździełka», — skazaŭ dyrektar telekanała Pavieł Bułacki.
«Dla nas heta zusim novy pradukt. Dynamičnaja partuhalskaja liha sa zručnym hrafikam pačatku matčaŭ pryciahvaje ŭsio bolš telehledačoŭ pa ŭsim śviecie. Kali rejtynhi i rekłamnyja biudžety buduć adpaviadać našym čakańniam, my praciahniem pakaz «prymiejry», — dadaŭ Pavieł Bułacki.
Kamientary