21 lutaha ŭ štacie Ńju-Džersi pamior biełaruski mastak Aleh Machniuk.
Aleh Machniuk pryjšoŭ na śviet 7 traŭnia 1928 h. na Brasłaŭščynie.
Z 1944 h. – na čužynie. Braŭ aktyŭny ŭdzieł u biełaruskim skaŭtynhu, vučyŭsia ŭ Biełaruskaj himnazii imia Maksima Bahdanoviča ŭ Vatenštecie (brytanskaja zona akupacyi, Nižniaja Saksonija). Mienavita skaŭtynh i školnictva ŭ pavajennaj Niamieččynie stali tym padmurkam, na jakim budavałasia Biełaruś u Amierycy.
Pry kancy 1940-ch pierabraŭsia ŭ ZŠA. Braŭ aktyŭny ŭdzieł u biełaruskim hramadskim žyćci, napačatku ŭ moładzievym ruchu.
Uziaŭ udzieł u I Kanhresie biełarusaŭ Amieryki, što prajšoŭ u Saŭt-Ryviery, potym uvachodziŭ u kirujučyja orhany Biełaruskaha kanhresavaha kamiteta. Śpiavaŭ u biełaruskim chory «Kalina», jakim kiravaŭ Ksaviery Barysaviec.
U 1960-ch vyśviaciŭsia na dyjakana, braŭ udzieł u źjezdach parafij, jakija padparadkoŭvalisia ekzarchu kanstancinopalskaha patryjarcha ŭ ZŠA.
Ale navat kali ničoha hetaha nie było, to darobak Aleha Machniuka nielha było b nie zaŭvažyć u samym pramym sensie hetaha słova.
U kancy 1960-ch biełarusy Saŭt-Ryviera vyrašyli pabudavać ułasnuju carkvu. Sami ryli katłavan, sami rabili fundamient.
Aleh Machniuk u dvary svajho doma zrabiŭ kupał carkvy. A potym jašče parabiŭ ramki dla ikonaŭ, anałoi, ikanastas, schody dla carkvy.Usiaho nie pieraličaš.
A jašče Aleh Machniuk byŭ dobry piejzažyst i skulptar. Jon na piać hadoŭ pieražyŭ žonku – mastačku Ludu Machniuk, što adyšła ŭ lepšy śviet u listapadzie 2003 h.
Ciapier syšoŭ sam,. 24 lutaha jon byŭ pachavany na biełaruskich mohiłkach u Saŭt-Ryviery pobač z žonkaj
Janka Zaprudnik u liście napisaŭ: «Cmierć Machniuka – vialikaja strata. Tym bolš, što raptoŭnaja (pralažaŭ tydzień u špitali), Pryčyna śmierci – uskładnieńni ŭ vyniku pnieŭmanii. Viečnaja pamiać».
Ilustracyi z archivu aŭtara, a taksama knihi "Biełaruskija mastaki ŭ zamiežžy"
Ciapier čytajuć
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach27
Kamientary